Comma Cafe

營業中

休息中

是日經過旺角，醒起最後去話間comma cafe，食完話好想推介比大家嘅地點。去旺角通常都會行信和，現時點，行到攰想搵間cafe 坐下，上網見倒間少女心cafe，即刻上去抖抖食個lunch。餐牌選擇唔算多，餐廳由兩位少女打點，由裝修，設計，餐牌，味道等等，都係一個故事，少女心成咁，大家上到去好似入左童話故事咁，絕對係繁忙生活嘅一個放鬆點！我地點左魔女盛宴，即係龍蝦汁煙三文魚意粉，龍蝦汁唔係話好濃，但意粉掛晒汁其實味道剛剛好，煙三文魚砌到好似花咁靚，食之前影左好耐相（笑）。另外點左個心太軟，好驚喜小店可以做倒外面熱又少少脆，切開流心嘅心太軟，配埋伴碟嘅cream 同埋棉花糖，一熱一凍好好味，心太軟切開前，仲見倒貓咪樣架！兩個女仔開嘅小店，值得支持下。