Dazzling Cafe (皇室堡) (已結業)

見佢近排有8周年優惠，中電話號碼有折，好抵食，就去試吓。🍝番茄明蝦意大利粉🦐蕃茄味香噴噴，雖然係雪藏蝦，啲蝦都算大隻，意粉上面灑咗啲芝士粉，味道唔錯。🧁京都宇治抹茶紅豆鬆餅🍯適合打卡，心形waffle加綠茶雪糕同埋紅豆蓉仲有一個macaron，側邊放咗maple，加埋一齊好睇又好食。🍵抹茶latte咖啡🍵香抹茶味，唔會太甜。跟塊幾好食嘅餅乾。🍹野莓荔枝沙冰🍹夏天熱辣辣好啱飲沙冰，但係呢杯好睇唔好飲。佢雖然係野莓荔枝，但係飲唔出有荔枝嘅味道，而且野莓嘅味道有啲假，有啲似藥水味，麻麻地。不過佢粉紅色上面有啲cream，加咗粒士多啤梨，影相都靚。🏠環境唔會逼，坐得舒服，窗邊望維園景。