影片
更多
2019-02-28
35 瀏覽
黎到呢個咁pink既地方，就算師奶都被呼喚出少女心🤣🤣🤣其實自己本身唔係太好粉紅色呀、hello kitty 個啲野，不過對於精緻既三層點心架無乜抗拒力！本來只抱住黎打咭既心態，點知野食又出乎預料地唔錯喎！為左配合呢度咁pink，我啲相都落左粉紅filter🙈叫左個Bossy Royal set，$388 有好多野食！又幾抵喎！頭盤兩個沙律都唔錯，我比較鍾意呢個青蘋果牛油果醬蟹肉沙律，好清新！我好鍾意食燒玉子，平時食壽司都會食甜蛋壽司。呢個玉子燒得好靚，甜度適中！切開入面仲好有小小蝦肉。呢個海鮮拼盤係冷盤，有蜆、帶子、魷魚同蝦，但啲蝦唔新鮮，係「梅」既！😥其他海鮮就無乜味，都係雪藏野，呢個麻麻地。好鍾意佢用三層架擺餸，好girlish，不過另一個原因係張枱好細，唔用個架無位擺餸🙈Egg benedict 就唔錯，一切開啲蛋汁流哂出黎，中間有啲蝦，又加左蛋黃醬同魚子醬釣味，成件事好夾。炸雞翼上碟既時候熱辣辣，外邊脆，入邊有肉汁！忌廉帶子意大利飯，食落好creamy，飯都軟硬適中。最後以蘋果茶作結，茶入面有細細粒蘋果，飲茶之餘又有得食下蘋果！後記：呢度成個環境都舒服，餐具好靚，menu都d
其實自己本身唔係太好粉紅色呀、hello kitty 個啲野，不過對於精緻既三層點心架無乜抗拒力！本來只抱住黎打咭既心態，點知野食又出乎預料地唔錯喎！
為左配合呢度咁pink，我啲相都落左粉紅filter🙈
叫左個Bossy Royal set，$388 有好多野食！又幾抵喎！
頭盤兩個沙律都唔錯，我比較鍾意呢個青蘋果牛油果醬蟹肉沙律，好清新！
我好鍾意食燒玉子，平時食壽司都會食甜蛋壽司。呢個玉子燒得好靚，甜度適中！切開入面仲好有小小蝦肉。
呢個海鮮拼盤係冷盤，有蜆、帶子、魷魚同蝦，但啲蝦唔新鮮，係「梅」既！😥其他海鮮就無乜味，都係雪藏野，呢個麻麻地。
好鍾意佢用三層架擺餸，好girlish，不過另一個原因係張枱好細，唔用個架無位擺餸🙈
Egg benedict 就唔錯，一切開啲蛋汁流哂出黎，中間有啲蝦，又加左蛋黃醬同魚子醬釣味，成件事好夾。
炸雞翼上碟既時候熱辣辣，外邊脆，入邊有肉汁！
忌廉帶子意大利飯，食落好creamy，飯都軟硬適中。
最後以蘋果茶作結，茶入面有細細粒蘋果，飲茶之餘又有得食下蘋果！
後記：呢度成個環境都舒服，餐具好靚，menu都design到好似報紙咁，好有心思，食物又唔錯！我見到隔離枱叫左個粉紅色risotto，好興奮咁勁影相，我自己就對咁多色素既食物有啲驚🤣 anyway，呢度真係好girlish，係影相打咭既好地方。
張貼
