T-Parc (已結業)

今日喺中環見完客，客人仲想傾多一陣計，所以我哋就入咗間飲品店入去坐下。店入邊裝修都唔錯， 有啲花花草草，啱晒女仔去打卡。 環境都幾舒服，如果話小休半個鐘嘅話呢度都係一個唔錯嘅。我就揀咗杯芝士芒果，芝士奶蓋都唔錯，芒果都真材實料，感覺上芒果嘅味道都好濃烈，啱晒我呢啲好鍾意食芒果嘅人。聽朋友講佢哋嘅花茶都不錯，下次都想試吓佢哋嘅花茶。總括嚟講$40一杯同出邊普通嘅飲品店差唔多價錢，但係喺中環呢啲地區有個地方俾你坐下，除咗飲咖啡之外呢度都唔錯。