HeSheEat (銅鑼灣地帶)

營業中

休息中

喺銅鑼灣逛街時簡咗呢間餐廳🍴整體體驗都幾好👍🏻店內面積大，唔使等位！食物種類多，價格適中，份量又夠，可以食到飽！🍽️ 店內視野都好好，可以邊用餐邊欣賞街景，但上菜比較慢，等咗二十幾三十分鐘。服務一般，唔算熱情，但都唔冷漠😅我哋叫咗原隻黑松露燒雞配炸薯條，家春雞外皮非常脆口，仲鋪咗勁多黑松露，好香！🐔 入面肉質嫩滑，調味非常好，兩隻雞都超大，份量充足，真係幾滿足！🥗再嚟係炸魷魚鬚，外皮脆脆，魷魚非常大塊，啖啖肉，口感好好，非常嫩滑！🦑仲試咗安格斯牛肉漢堡，質素還可以，牛肉中間有啲乾，薯條挺脆，但似乎沾咗一層薄粉再炸，我唔係太鍾意。🍔 三文魚明太子忌廉扁意粉忌廉濃郁，食嘅時候唔覺得，食完就好渴，三文魚有啲乾，味道唔夠🙂‍↔️ 意粉屬於比較硬口感～總括來講，呢間餐廳都算值得一試！✨