咖啡灣 (已結業)

今日都係要入將軍澳做嘢，三十幾度出街好似焗爐咁冇乜胃口，但係又攰又口渴，搵個地方坐低飲杯嘢食少少野先至繼續做，之前行過新都城成日見到有一間好少女系嘅餐廳，座位寬躺舒適， 一直都好想試，今日就去試試，一入去見到有人食緊爆趣蜜糖芝士炸雞配薯條沙律，好似好好食咁，我就跟住叫咗一個，另外叫咗一杯熱帶森林水果茶，望吓環境見到有啲一家大細，有啲兩個人閨蜜聚會，感覺好悠閒⋯⋯熱辣辣香噴噴嘅薯條炸雞出現啦，望下隻碟一啲都唔油，口感鬆脆，雞肉好juicy, 話咁快就清左隻碟，水果茶入面有一粒粒嘅士多啤梨，有得飲有得食，食完士多啤梨個人都精神啲。