谷芋 (已結業)

成日次次飲手調飲品阿媽都耍手擰頭，點知今次佢主動話想試新開的一間飲品店，皆因佢主打我阿媽好鍾意食的芋頭。遠處見到已經見到店舖滲透住濃濃的粉紅少女風，有打卡位仲有得坐住涼冷氣等飲品，大熱天時真係一大賣點！我覺得呢度優勝地方係有一個明確主題嘅主打飲品，亦推出一些特有飲品阿媽叫咗個芋頭櫻櫻西米露，超級濃郁芋頭味因為佢落芋泥份量絕不手軟，阿媽話喝一杯便可省回午餐！芋泥香軟滑口，加上Q Q 的西米是永遠的經典配搭。不過我覺得唔需要再加櫻櫻已經夠好，因為都係純粹加啲粉紅色，反而天然啲重好！因為今日天氣太熱，見佢有個主打飲品有西瓜，所以選了西瓜白虎奶蓋。原來白虎係豆腐布丁咁解，為成杯飲品加點口感。估唔到奶蓋配西瓜都好搭，西瓜汁夠晒解渴，而且撈埋奶蓋之後變左好漂亮嘅粉紅色。平日男仔頭嘅我都忍唔住話靚！奶蓋味道都算唔錯，當然係我心目中都始終係大陸果間好飲少少。🙏題外話，雖然最初見到收銀叔叔有點生手（似係屋企人），後來上網睇話呢度係大學生創業即刻覺得要支持小店！而且小鮮肉店員（唔知係咪就係老闆？）顏值甚高，唔知會唔會吸引到一班妹妹仔呢？😂