影片
更多
2018-12-01
80 瀏覽
又到咗觀塘尋寶時間，今日我尋到間l's land Cafe,裝修文青得嚟又好少女嘅餐廳，帶女朋友嚟應該唔會出事。太太都好滿意呢一個地方。入到去見到好多花花草草嘅裝飾，間Cafe都幾大，見到I's land Cafe呢個名...諗起一套漫畫叫I's都係一樣咁少女。環境就ok喇~睇吓有咩食先~2個人可以考慮吓食呢個set dinner。太太就叫咗個磨菇湯，飲落好滑口，仲有一粒粒嘅新鮮磨菇粒，加蒜蓉包點湯，唔錯唔錯。宜家個個都注重飲食健康，呢間Cafe仲提供慢磨果汁。比其他cafe多一種選擇。我呢隻肥仔呢排病到癲咗，所以就叫咗杯增強 免疫力嘅香蕉燕麥奶昔。初初以為杯嘢會甜到飛起，點個飲落原來一啲都唔甜，只有香蕉嘅天然甜味。我覺得ok...但鍾意飲好甜嘅朋友就可以order嗰時叫店員加甜。德國燒豬手配有薯條，蔬菜，仲有3款嘅醬汁，啡色嘅味道帶少少黑椒汁味，中間黃色嘅好似蜜糖咁主要帶甜，最後就係茄汁酸酸地編少少辣嘅。主角嘅燒豬手，燒到個皮超級脆，脂肪感較少，肉質就較嫩，個人嚟講就覺得豬穌味比較濃，好食。最後就叫埋個，朱古力心太軟配益力多雪糕，首先講咗個雪糕先，味道激激咁益力多食落竟然同一般雪糕一
入到去見到好多花花草草嘅裝飾，間Cafe都幾大，見到I's land Cafe呢個名...諗起一套漫畫叫I's都係一樣咁少女。
環境就ok喇~睇吓有咩食先~
2個人可以考慮吓食呢個set dinner。
太太就叫咗個磨菇湯，飲落好滑口，仲有一粒粒嘅新鮮磨菇粒，加蒜蓉包點湯，唔錯唔錯。宜家個個都注重飲食健康，呢間Cafe仲提供慢磨果汁。比其他cafe多一種選擇。
我呢隻肥仔呢排病到癲咗，所以就叫咗杯增強 免疫力嘅香蕉燕麥奶昔。初初以為杯嘢會甜到飛起，點個飲落原來一啲都唔甜，只有香蕉嘅天然甜味。我覺得ok...但鍾意飲好甜嘅朋友就可以order嗰時叫店員加甜。
德國燒豬手配有薯條，蔬菜，仲有3款嘅醬汁，啡色嘅味道帶少少黑椒汁味，中間黃色嘅好似蜜糖咁主要帶甜，最後就係茄汁酸酸地編少少辣嘅。主角嘅燒豬手，燒到個皮超級脆，脂肪感較少，肉質就較嫩，個人嚟講就覺得豬穌味比較濃，好食。
最後就叫埋個，朱古力心太軟配益力多雪糕，首先講咗個雪糕先，味道激激咁益力多食落竟然同一般雪糕一樣咁幼滑，我以為會帶少少冰感。呢個雪糕推介!而心太軟嘅朱古力流心做得幾好，朱古力味重，奶味較輕，好似食緊特濃朱古力咁
張貼
