上海小南國 (MegaBox)

營業中

休息中

無啦啦兩口子黎左呢個場度行, 於是乎順勢喺度搵下野食啦, 由於師傅從來都喺呢度食過野, 所以左揀右揀, 揀左好耐最後都係決定黎呢間食店, 貪佢係集團經營!去到門口見冇咩人, 於是登記攞枱, 好好彩唔使等位可以直入! 一座低即刻睇下有咩好食先, 最後經過商量, 兩個人決定柯打招牌小籠包, 擔擔麵同埋外婆紅燒肉!最先到嘅係招牌小籠包, 一籠有五隻, 皮就厚左少少, 但內裡嘅湯就絕鮮甜, 而肉味又幾香, 都算幾好味; 擔擔麵嘅湯底就一般啦, 麻醬就幾香不過就一d都唔辣, 反而冇左擔擔麵嘅風味, 而麵質就唔算太硬, 但亦唔覺有咩特別, 普普通通咁啦; 外婆紅燒肉係因為個名咁特別, 所以師傅決定一試, 原來係d豬腩肉, 豬腩肉炆得好腍, 而且夠香又夠肥, 但就一d都唔膩, 送飯一流, 正呀!總括黎講食物質素算係中上, 但並非十分突出, 而價錢就幾貴, 唔算抵食, 不過環境都幾好, 而服務都幾殷勤; 師傅覺得如果以上幾道菜式係絕對有進步空間, 其他食物就不得而知, 但對師傅黎講呢個晚餐確實係有少少失望! 狀元樓就一d都唔覺似狀元咁厲害, 相信短期內都未必會再黎!