茶湯會 (新都城中心) (已結業)

一早聽過朋友提及茶湯會既鐵觀音珍珠拿鐵好飲，咁岩今日經過新都城，就黎試下係台灣開到過黎香港既茶湯會黎間分店係今年先進駐將軍澳，店面比起好多台式飲品店都大，旁邊有一排座位俾客人可以坐低飲下野，傾下計，店內裝修既感覺都算簡單舒服。見到除左飲品，仲有"珍珠奶茶熱壓多士"賣，可惜岩岩食左午餐太飽，只係買左杯最出名既鐵觀音珍珠拿鐵。因為通常台式飲品都係太甜，所以叫左8分糖，少冰。價錢同其他台式飲品店差唔多，都可以接受。 成杯野飲味道較淡，本身諗住鐵觀音應該好香，但飲落茶味唔算好出，奶味亦唔係太濃，凍飲既話冰溶左之後味道就更加淡。不過珍珠份量都幾多，細細粒軟冧冧都幾易入口。總括而言，味道都可以接受既，咁岩經過都可以一飲，但就唔建議特登走去試啦。