影片
更多
2024-10-13
381 瀏覽
而家要係香港搵好食既上海菜真係有啲難道，有且見到呢間筲箕灣既上海野咁有趣就去試試佢。其實平時真係好少去筲箕灣，而且佢個位置都幾唔就腳，但係勝在普通間都幾大，裝修行趣味風格。今次同家人一齊黎所以都叫左幾多野食。第一份上嘅餐係鳳尾魚，鳳尾魚炸得非常香脆，雖然麻辣味欠奉，反而係充滿咗香檸嘅味道，但係就係呢個香檸嘅味道大大減淡咗佢嘅油膩感。雖然冇乜麻辣味，但係呢一個係我最推介嘅食物之一。另外個人比較推介嘅係臭豆腐同埋蔥爆牛肉。臭豆腐係比較傳統嘅港式臭豆腐，食得出係新鮮炸起配上豆瓣醬真係一絕，另外蔥爆牛肉亦都非常惹味滿滿嘅蔥香加上香濃既醬汁配上薄餅，真係啱啱好。四喜烤麩亦都係我其中一個好鍾意嘅食物，呢度都做得相當唔錯，只係未係非常驚艷。我個人就唔係特別喜歡白切雞，但係同行嘅家人都覺得白切雞好嫩，上面滿滿嘅蔥油亦都非常之邪惡，反而將佢加係薄餅進食。至於我十分期待嘅樟茶鴨反而太乾身，配合埋佢本身嘅包令佢更乾。店員介紹咗純菜鮮魚羹，純菜原來係一樣比較難有既菜，佢有啲潺，佢嘅味道有一種特別嘅清香，而形態就好似迷你嘅荷葉。我本身都幾唔鍾意飲羹湯，而呢個湯已經唔係咁’將’口，所以其實已經做得幾好飲，只不過係
其實平時真係好少去筲箕灣，而且佢個位置都幾唔就腳，但係勝在普通間都幾大，裝修行趣味風格。今次同家人一齊黎所以都叫左幾多野食。
第一份上嘅餐係鳳尾魚，鳳尾魚炸得非常香脆，雖然麻辣味欠奉，反而係充滿咗香檸嘅味道，但係就係呢個香檸嘅味道大大減淡咗佢嘅油膩感。雖然冇乜麻辣味，但係呢一個係我最推介嘅食物之一。另外個人比較推介嘅係臭豆腐同埋蔥爆牛肉。臭豆腐係比較傳統嘅港式臭豆腐，食得出係新鮮炸起配上豆瓣醬真係一絕，另外蔥爆牛肉亦都非常惹味滿滿嘅蔥香加上香濃既醬汁配上薄餅，真係啱啱好。
四喜烤麩亦都係我其中一個好鍾意嘅食物，呢度都做得相當唔錯，只係未係非常驚艷。我個人就唔係特別喜歡白切雞，但係同行嘅家人都覺得白切雞好嫩，上面滿滿嘅蔥油亦都非常之邪惡，反而將佢加係薄餅進食。
至於我十分期待嘅樟茶鴨反而太乾身，配合埋佢本身嘅包令佢更乾。店員介紹咗純菜鮮魚羹，純菜原來係一樣比較難有既菜，佢有啲潺，佢嘅味道有一種特別嘅清香，而形態就好似迷你嘅荷葉。我本身都幾唔鍾意飲羹湯，而呢個湯已經唔係咁’將’口，所以其實已經做得幾好飲，只不過係我唔太喜歡。
至於甜品方便，豆沙鍋餅、炸芝麻團都食得出係新鮮製作，唔會太膩口同甜，所以都唔錯。
總括嚟講，可以食得出餐廳用心製作食物，而且樣樣都係新鮮製作。而且餐廳嘅座位都坐得幾舒服。唯一不足嘅係餐廳位處嘅商場有啲奇怪，冷氣不足，而且廁所都幾污糟。雖然係咁講，但係都好推薦大家可以支持吓。
張貼
