Lagom Kaffe (已結業)

經典凱薩沙律🥗不嬲都鐘意食吓菜，開心佢有俾足夠嘅菜量我，又有蕃茄、車厘茄、青瓜🥒嗰啲，可以話係蔬菜量十足，一次過有曬我呢日要攝取嘅纖維～ 不過我就略嫌佢多咗少少芝士粉，食到成口粉😅 本身麻麻哋🫢·水牛城雞中翼🐔佢呢隻比較乾身，我係欣賞嘅～ 唔會話食到成口汁，唔知想點⋯ 好記得有次喺第度食嘅，係茄汁加黑椒粒就當係水牛城雞翼⋯ 唔應該係咁囉⋯ 好彩呢度係夠酸、夠辣，搣甩咗陣蕃茄味～😆·法式紅酒牛面肉燉飯🐂真心想講吓，佢賣相幾好睇～ 個口感軟綿綿，仲有啲濕濕哋，幾易入口，因為食落唔太黐口～ 紅酒汁少少甜、少少酸，好夾個牛面肉，做到好入味之餘，仲要好冧吓，兼且肉量都多，可以食到飽飽！😙·白酒奶油三文魚意粉白汁係由白酒同奶油組成，有順滑口感之餘，仲有白酒加持，冇曬酒精，但有少少酸味加酒香餘韻助攻，加埋有少少咬口爽口就掂～～🤩·多明尼加朱古力奶🍫🥛睇個拉花，有刻會覺得自己飲緊Latte🤣，個樣太似了～ 其實只係朱古力加奶，不過個奶泡真係打得幾好，所以先有咁完美嘅心心拉花，剩係睇都夠了～🥰·京都焙茶🍵鮮奶🥛咁落第一下焙茶味好重，有種好似真係去咗日本飲茶嘅感覺。跟住⋯ 佢打咗個好靚嘅奶泡，變咗個好強嘅