許留山 (已結業)

果日行開許留山見到佢有XO醬蘿蔔糕，突然之間好想食，就忍唔住行咗入去餐廳。餐廳光猛闊落，仲有好多同胞同你一齊食。店員做嘢快手，有禮貌。即棄膠餐具響每張枱個膠盒度，夠方便但唔環保。XO醬蘿蔔糕($27)份量唔多，只可以當小食。XO醬夠分量，所以偏鹹。芒果凍餅($24)得嗰五嚿真係少到喊。質地有啲似木糠蛋糕，只不過中間有一兩粒芒果。唔算太甜，過下口癮就算數。又唔可以叫難食，但50蚊一個下午茶，仲要冇嘢飲，下次我應該去茶餐廳算數。