Shake Shake Shake (已結業)

呢排紅爆嘅沙冰專門店，見到好多啲網上宣傳都好勁下 😛 衝出一般嘅珍奶果類嘅台式珍奶奶蓋飲品，其實我都好中意飲呢類，家下去試下專賣呢類嘅專門店 🤘🏿-去到門面都幾靚仔，唔同種類嘅朱古力一格格排哂出黎，連果漿果味濃縮劑都擺哂出黎 😂 就咁睇都有股乜味 🤡-呢到就主打兩款沙冰架姐，一款係益力多底，一款係朱古力底，賣成 $38 杯，都好親民下，親哂落我銀包到，不過都唔想講太多，有飲過嘅人都知一般，不論益力多沙冰定朱古力沙冰，都淡到一個點，仲以為係雪凍左嘅益力多或朱古力冰再攪碎，唔知仲以為食緊益力多沙冰走益力多，朱古力沙冰走朱古力，幾分鐘之後真係覺得飲緊水咁，啲冰又攪得唔夠沙，勁多粗粒冰，叫乜沙冰呀，刨冰黎架下話，加埋配料仲賣成四十幾皮一杯，你真係飲埋我果份啦 ❤️❤️❤️-Shake Shake Shake旺角廣華街 1 號仁安大廈地下 14D 號舖