常滿百家菜

營業中

休息中

今日食嘅係打邊爐加點心放題😋點心有成廿幾款到，當然我哋就食唔曬，所以叫咗幾款唔同點心🤪今日食咗嘅點心有: 蝦餃、燒賣、蒙古流沙包、牛柏葉、炸雲吞同鹹水角😋點心嚟到時熱辣辣，餡大大夠，由於大份嘅關係，唔敢食咁多🤣 （因為要留返嚟打邊爐）邊爐我哋今日叫咗鮮茄薯仔排骨鍋，邊爐湯底足料，邊爐材料有肉有蝦，肉類好食😋重有鬼馬釀百花，有啲驚喜😍除咗邊爐同點心外，自助區亦都有好多小食，有碗仔翅、銀心粉同豬紅蘿蔔等等😋諗到想食咩都會有😝除咗點心同邊爐外，重有中式甜品😆有桂花糕、椰汁糕，重有兒時嘅啫喱😆見到即食，勁開心😝總結: 點心好多款式，熱辣辣👍邊爐足料，自助區超多嘢揀，值得再叫朋友去食👍