影片
更多
2014-03-17
1035 瀏覽
經常透過團購去試新野，但多數食物和服務態度都不是太好，今次睇完openrice 食評先買這個團購。一去到店員知我想坐入面，但當時入面坐滿人，佢同我講入面要等一陣，坐出面都幾好架，闊落啲，比佢講一講我就想坐出面店主比餐牌我時介紹左波子紫米牛乳奶凍，雖然都好吸引，但想食蛋糕類，所以最後揀左比利時朱古力心太軟$52同tiramisu$42 ，落單時，店員見我揀心太軟，問我有無興趣試下佢地新出餐牌上未有既香蕉心太軟，我諗住朱古力心太軟周圍都有得食，所以就試左佢推介既香蕉心太軟$58。首先嚟既係tiramisu ，上面舖左棉花糖，隔離有個曲奇雪糕、一粒青提同士多啤利伴碟，本身唔鍾意食棉花糖既我，都食左幾粒，其實件tiramisu都幾細，但上面舖左棉花糖睇落就唔覺細，tiramisu 比出面好多都好食，酒味岩岩好，但本人就覺得咖啡味可以再濃啲，芝士部分都可以，但佢用質感偏向奶油果隻芝士，我就一般，食食下，發覺啲酒係個蛋糕底先有，中間手指餅好似無，而且本人對酒精較敏感，食完喉嚨發熱，如果整既時候加，雪過之後酒精應該唔會咁強烈，所以懷疑酒係上碟時先後加上去的，不過整體來說係好味的。之後到個香蕉心太軟到
一去到店員知我想坐入面，但當時入面坐滿人，佢同我講入面要等一陣，坐出面都幾好架，闊落啲，比佢講一講我就想坐出面
店主比餐牌我時介紹左波子紫米牛乳奶凍，雖然都好吸引，但想食蛋糕類，所以最後揀左比利時朱古力心太軟$52同tiramisu$42 ，落單時，店員見我揀心太軟，問我有無興趣試下佢地新出餐牌上未有既香蕉心太軟，我諗住朱古力心太軟周圍都有得食，所以就試左佢推介既香蕉心太軟$58。
首先嚟既係tiramisu ，上面舖左棉花糖，隔離有個曲奇雪糕、一粒青提同士多啤利伴碟，本身唔鍾意食棉花糖既我，都食左幾粒，其實件tiramisu都幾細，但上面舖左棉花糖睇落就唔覺細，tiramisu 比出面好多都好食，酒味岩岩好，但本人就覺得咖啡味可以再濃啲，芝士部分都可以，但佢用質感偏向奶油果隻芝士，我就一般，食食下，發覺啲酒係個蛋糕底先有，中間手指餅好似無，而且本人對酒精較敏感，食完喉嚨發熱，如果整既時候加，雪過之後酒精應該唔會咁強烈，所以懷疑酒係上碟時先後加上去的，不過整體來說係好味的。
之後到個香蕉心太軟到，先聞一下，係芝士味嚟既？！再望一望，上面真係好似洒左少少芝士粉，食一啖，好好味呀無諗過芝士粉同香蕉味係會咁夾架，真係好驚喜🎉最緊要佢做到外脆內軟，我食過好多間心太軟，除左元朗既sugar mama 做到之外，老實講出面其他既心太軟，我真係無一間覺得好食，即刻好想快啲下次嚟試埋原本我叫既比利時心太軟。講反個香蕉心太軟先😝佢配既係石板街雪糕、香蕉同一粒黑加倫子啫喱，流心材料係香蕉整既溶液，個人認為佢加左煉奶，我算食得甜既人都覺得甜左少少,食完兩個都係"漏"既甜品都真係幾"漏"😅
最後見到原本無諗住食既伴碟青提，我諗清新一下口腔都好既，一食落去，我終於明白到點解伴碟既點解會係一般少有既青提了，果一刻真係完全感受到佢地既細心，所以我特地開左acc寫我第一個食評，因為想快啲比人知道佢有香蕉心太軟呢個新產品。
最後，想讚多次所有員工都好好，收錢果個我比團購券佢，佢無團購一般有既不俏眼神/態度，仲好有禮貌同我講bye bye。
張貼
