影片
更多
2020-11-26
184 瀏覽
相信大家呢一年幾都好少食到好食既川式火鍋，由於港女特別鍾意食辣野＋重口味，又心掛掛D麻辣火鍋，朋友就搵左一間新開既店，帶左我去食。港女對辣野要求好高，辣得黎唔係死辣而且仲要個味夠香，先為之合格，最好就係走味精啦～今次黎到觀塘魚川居，由地鐵站出黎都只係7分鐘路程。😆新開關係，姐姐們都好熱心服務，不停介紹食物，雖然見到openrice推薦酸菜魚，但係個日心情想食辣野多過酸野，一於就試試佢，大家如果食開麻辣火鍋，就知道，一個麻辣火鍋好容易變左得個辣而無左其他味😂但呢間就唔會。我地叫左個水煮桂花魚，姐姐話個湯底可以拎黎打埋邊爐，menu上都仲見到有雞煲或者淨邊爐，估計應該都不錯😆一上到黎聞到個味其實好香，好惹味，魚肉唔係我食過最滑既一間，但係味道搭夠，因為魚肉十分入味，而且有辣既香味。利申，港女平時好少食魚，一聞到腥味會即刻唔食，但呢間係一D腥味都無，怕魚之人可以放心入手👍🏻之後打邊爐既料呢間十分特別，除左有唔同內臟，仲有好少見既牛腹油😆真係好岩我呢D唔肥唔食既人😋我地叫左牛腹油，鵝腸，墨魚滑，肥牛，鴨血牛腹油並唔係度度都有得食，今次都係港女第一次西😂上網睇只需要淥8秒就ok，但得驚，所以淥左
港女對辣野要求好高，辣得黎唔係死辣而且仲要個味夠香，先為之合格，最好就係走味精啦～
今次黎到觀塘魚川居，由地鐵站出黎都只係7分鐘路程。😆
新開關係，姐姐們都好熱心服務，不停介紹食物，雖然見到openrice推薦酸菜魚，但係個日心情想食辣野多過酸野，一於就試試佢，大家如果食開麻辣火鍋，就知道，一個麻辣火鍋好容易變左得個辣而無左其他味😂但呢間就唔會。
我地叫左個水煮桂花魚，姐姐話個湯底可以拎黎打埋邊爐，menu上都仲見到有雞煲或者淨邊爐，估計應該都不錯😆
一上到黎聞到個味其實好香，好惹味，魚肉唔係我食過最滑既一間，但係味道搭夠，因為魚肉十分入味，而且有辣既香味。利申，港女平時好少食魚，一聞到腥味會即刻唔食，但呢間係一D腥味都無，怕魚之人可以放心入手👍🏻
之後打邊爐既料呢間十分特別，除左有唔同內臟，仲有好少見既牛腹油😆真係好岩我呢D唔肥唔食既人😋
我地叫左牛腹油，鵝腸，墨魚滑，肥牛，鴨血
牛腹油並唔係度度都有得食，今次都係港女第一次西😂上網睇只需要淥8秒就ok，但得驚，所以淥左一陣，一入口好有油脂同牛味，如果平時鍾意食肥腩，真係必試呢個，但並唔係軟淋淋個隻，而係好脆口，所以個感覺都好特別。
鵝腸油脂味好香而且夠脆，再食都會必點👍🏻
聽姐姐講，墨魚滑同蝦滑都係佢地自己整，今次只叫左墨魚滑，味道好食，下次encore，再加埋蝦滑先😆
鴨血食落好滑口🤩而且煮左一段時間好入味，又係會再點😂
姐姐係介紹同時仲拎左個海鮮拼盤比我地睇，半份既份量已經有龍蝦，同一隻好大既蝦，但因為怕食唔哂，所以無叫，下次去會試😆
呢間真係食過覺得十分高質，除左佢個湯底味道真係一流之外，佢既份量係頗多，雖然我地點既係半份，但係上到黎個份量多到我地以為自己點左一份😂
晚上返到屋企好抵讚係，竟然唔頸渴，少有打完邊爐唔會狂飲水😆
魚川居
地址：觀塘開源道54號豐利中心5樓507室
返尋味指數：9/10 一定會翻頭食，同行友人都話會介紹朋友😂😂
由於係新開，立場並唔知，但見老細係後生仔🧐
張貼
