和平飯店 (V Walk) (已結業)

難得搵到中菜嘅黃店！仲要有執枱專員，感覺更加衛生。入到去店員已經問你飲咩茶，無茶位錢㗎！松子桂花魚Price：$238📌小妹好鐘意松子魚，但唔係好多地方有得食，終比我搵到間又黃又好食嘅餐廳🙊松酥脆嘅桂花魚上面淋上酸甜嘅醬汁，入口外脆內軟🤤外面嘅魚皮仲有啲脆卜卜，入面魚肉好嫩，甜酸醬唔會好酸，加埋一齊食仲食到魚嘅鮮味👍🏻配菜竟然有蝦仁，真係好少有！不等你小籠包Price：$38📌小籠包皮一啲都唔易穿，最驚啲小籠包一夾就穿，呢個完全唔會🥰但小籠包皮又唔會覺得好厚，有啲咬口之餘覺得適中，一咬落去就爆哂啲肉汁，餡都唔細添😍葱油淋雞Price：$278（一隻）📌雞皮好脆，雞肉又嫩滑，下面有好多葱油喺底😋一咬落去葱油味好香，加埋雞嘅油脂，小妹真係忍唔食多幾嚿！擺咗一陣，雞皮仲保持到好脆，真係無得彈🥳文思豆腐海皇羹Price：$128📌食飯之前最好就飲啲湯先！海皇羹好足料，入面有豆腐粒，髮菜，帶子，蝦等等，好有鮮味，啖啖都食到唔同材料😎分量都唔細，一煲都分到大概8碗☺️川式回鍋牛肉Price：$75📌回鍋牛肉好大塊，又唔會食到好重油味，呢個真係好重要，仲食到豆瓣醬嘅香味添😝有小小麻辣，辣度可接受，唔食