齋啡 (已結業)

週末想搵一間寧靜既 cafe 一啲都唔易，仲要係鬧市。呢間純素既 cafe，喺尖沙咀和佐敦中間，環境好舒服，空間感好充足。而且唔會限時，可以舒舒服服嘆杯咖啡。咖啡黎講呢間咖啡店全部選用 Oat Milk，沒其他選擇。不過佢地揀既 Oat Milk 燕麥味好淡，配咖啡都好適合。我揀左 Latte，咖啡比較清淡，拉花就普通，而且奶打得唔係好夠，溫度偏低，有進步既空間。另外，揀左 Earl Grey Vegan Cake 黎試下。食過Vegan Cake 都明白，會同普通既蛋糕會有好大分別。呢間做既蛋糕質地偏挺身，彈性比較大，但茶味比較淡。Cream 既部分比較稠密厚實，雖然甜度唔高，但係都有啲膩。Vegan Cake 黎講就中規中矩。