影片
更多
2017-12-01
134 瀏覽
分別聽到幾位朋友介紹過呢間火鍋店，早兩日開始轉涼，就決定嚟呢度試一試佢嘅老鴨湯底！啲調味料真係好吸引，好多時候出去打邊爐，來來去去都係得嗰幾款，但係呢度就真係有好多唔同嘅配料任你選擇！既然朋友講到佢個老鴨湯底咁好味，就梗係要叫一個嚟試吓啦！就咁睇好似只係得半隻鴨，少少杞子、蘿蔔同埋少少菇咁！但係佢個湯真係甜到不得了，有好香濃嘅鴨味，仲有蘿蔔同埋杞子嘅甜味！而呢啲味平時出去打邊爐就比較少有！個湯底滾起左之後，店員好細心咁幫我地起肉，仲去咁啲油先至比我地飲，值得一讚！我哋叫咗一個手切本地牛頸脊，兩個人叫咗個細都好夠食！肉味都好香個魚腐真係非常好味，我哋湯滾左之後就放落去，隔左好一陣先拎上嚟，但係都仲係好好味，完全冇走到味！另外仲叫咗黑木耳同埋韭菜餃，都唔錯！平時出去食飯，甜品通常都係生果，但係佢就會比支珍寶珠，都幾得意啊！兩個人埋單六百零蚊，食到飽飽出門口真係好正！
啲調味料真係好吸引，好多時候出去打邊爐，來來去去都係得嗰幾款，但係呢度就真係有好多唔同嘅配料任你選擇！
既然朋友講到佢個老鴨湯底咁好味，就梗係要叫一個嚟試吓啦！
金撈老鴨湯
16 瀏覽
0 讚好
0 留言
就咁睇好似只係得半隻鴨，少少杞子、蘿蔔同埋少少菇咁！但係佢個湯真係甜到不得了，有好香濃嘅鴨味，仲有蘿蔔同埋杞子嘅甜味！而呢啲味平時出去打邊爐就比較少有！
個湯底滾起左之後，店員好細心咁幫我地起肉，仲去咁啲油先至比我地飲，值得一讚！
手切本地牛頸脊
8 瀏覽
0 讚好
0 留言
我哋叫咗一個手切本地牛頸脊，兩個人叫咗個細都好夠食！肉味都好香
家鄉魚腐
8 瀏覽
0 讚好
0 留言
個魚腐真係非常好味，我哋湯滾左之後就放落去，隔左好一陣先拎上嚟，但係都仲係好好味，完全冇走到味！
黑木耳
19 瀏覽
0 讚好
0 留言
另外仲叫咗黑木耳同埋韭菜餃，都唔錯！
平時出去食飯，甜品通常都係生果，但係佢就會比支珍寶珠，都幾得意啊！
兩個人埋單六百零蚊，食到飽飽出門口真係好正！
張貼
