籠太子點心專門店 (已結業)

今日去左銅鑼灣食野，銅鑼灣實在太多西野，搵間食中菜都好難，飲茶嘅更難，今次行行下搵到間飲茶，簡直係小確幸呀，而且價錢夠哂親民，首先每個茶位都係 $3，抵到呢，之後就開始入正題，叫左呢到嘅招牌蝦餃王，真心皮薄餡靚，又有大大粒蝦餃，$15 兩大粒真係唔過份呢，另外飲茶就一定要醬蒸鳳爪，唔肥膩唔錯，$24！另外叫左棉花雞 $30，雞好滑，鵪鶉蛋燒賣 $28 亦係必叫，呢個好清又好夠味，另外叫左 $26 嘅叉燒腸，係真係足哂料冇呃秤嘅，最後就叫埋個雞，北菇蒸雞，$30 大大盅，叫埋 $16 油菜黎送，最後最後必叫就係老火湯 $19，好抵飲好大兜既西洋菜豬骨湯，正野下火呀🤪🤪