貝‧料理 (已結業)

北寄貝番茄野菜沙律🥗沙律食材配搭系seasonal，而今日就係北寄貝。北寄貝口感軟滑，味道鮮甜。醬汁系番茄沙律醬，整體清新開胃。磯煮南非鮑魚🦪口感淋滑，味道上佳👍🏻。甜甜既醬汁味道好兼炆得入味。不過配搭既菜蔬不知當沙律食定伴碟黎，相對乾硬。清酒煮鮮蜆🍶相對上一道，此菜式相對清淡，卻食出食材啖啖鮮味！蜆肉大隻而且彈牙，味道非常新鮮，個人相當喜歡。高湯味道清甜，亦淺嚐了數口。季節貝吸物🥄應該系呼應上一道菜既菜式-蜆高湯，龍蝦料加上味增熬煮既。味道清甜，龍蝦味道突出。鐵板龍蝦伴時蔬🦞鐵板菜式呢度系屬於鮮味派而非汁味派。龍蝦味鮮，彈牙。但處理上並沒如坊間一般，先起肉，後板燒。所以食既時候有d狼狽；個人認為此處唔夠貼心。帶子及蔬菜正常發揮，沒有太大點評。鐵板貝炒飯🍚一般鐵板燒收尾必有既炒飯，可惜呢度處理得比較濕身。貝類鮮甜口感佳，但份量少，搞到唔多覺佢地既存在。另外，個人認為炒飯可以多作調味，增加翻味道上既層次感。整體感覺有點虎頭蛇尾；尤其炒飯感覺唔夠乾身之餘略感調味不足。鐵板燒料理之主菜以外既質素均屬上佳。另外沒有甜品收尾，略覺美中不足。