土耳其小城 (萬昌樓) (已結業)

元朗新開土耳其餐廳，日日行過都見到排晒長龍，今日終於有機會黎試吓，香港土耳其菜少見，自己都好似未食過！餐牌好多嘢食，不能盡影。土耳其薄餅 $22呢個好抵食，$22有四大塊，不過店家都預先調咗味，所以唔點汁食都好夠味，不過略嫌少少油。草原牛肉卷餅 $65店家好細心用錫紙包住，食嗰陣唔會整到成隻手都係。食卷餅名最怕係啲汁搞到個餅冧晒，所以大家唔使擔心，呢間唔會有呢個情況出現。餡料好足料，唯一不足係調味淡咗少少。雜燴雞肉串燒 $110呢個羊肉拼雞肉嘅拼盤，可以試晒兩隻唔同肉類，兩隻都燒得好入味，羊肉唔羶，大家唔使怕，揀跟飯就一定夠飽。土城羊膝燴水稻飯 $98嘩！大家千奇唔好嚇親，呢個原隻羊膝呈現係你面前，好嘅係原隻羊膝，啲肉完全唔鞋，逐啲逐啲撕黎食，好惹味。不過唯一唔好嘅有少少唔夠熱。