影片
更多
2021-06-22
277 瀏覽
忙咗成個禮拜，星期五梗係要飲返杯happy下啦。尖沙咀厚福街一向都係一條食街，不過今次就幫襯樓上鋪，一間新開嘅叫Mo Mo Kushiage，食大阪炸串，香港都少見，所以有啲期待。一入餐廳已經感覺到日本居酒屋嘅氣氛，即刻揀返支靚Sake飲吓先。就叫咗支空藏生原酒，喜歡生原酒夠Raw，沒有太多嘅修飾，爽口易飲，話咁快就飲咗半支🤪跟住叫返個燒明太子送酒。鹹鹹香香嘅明太子果然送酒一流。另外再叫咗南瓜沙律同埋炸雞翼作為前菜。南瓜沙律很鮮甜，混合咗青瓜絲同火腿粒，特別好食。炸雞翼就正常。之後嘅炸串都陸陸續續上枱，師傅會根據我哋食嘅進度而將炸串續樣上，唔會令到炸串放得太耐而腍咗👍首先上枱嘅係炸山藥，即係鮮淮山，炸漿薄，淮山爽口，為之後嘅炸串揭開序幕。再嚟就係炸帶子三文魚子，整體上呢間店嘅炸漿都比我响大阪食嘅薄，唔會令到人好飽。帶子炸得啱啱熟，上面鋪咗三文魚子，作用就係提供鹹味，因為帶子本身完全沒有調味，食到鮮味，但鹹味就要由三文魚子提供，整體上呢個組合都幾得意😎之後就有蒜頭同法國血鴿髀肉。蒜頭應該之前經過蒸煮，完全沒有蒜頭嘅辛辣味，但就就保留咗甜味，幾好食。血鴿髀肉就係意外嘅驚喜，肉身炸得好嫩，仲
尖沙咀厚福街一向都係一條食街，不過今次就幫襯樓上鋪，一間新開嘅叫Mo Mo Kushiage，食大阪炸串，香港都少見，所以有啲期待。
生原酒
1 瀏覽
0 讚好
0 留言
一入餐廳已經感覺到日本居酒屋嘅氣氛，即刻揀返支靚Sake飲吓先。就叫咗支空藏生原酒，喜歡生原酒夠Raw，沒有太多嘅修飾，爽口易飲，話咁快就飲咗半支🤪
燒明太子
6 瀏覽
0 讚好
0 留言
跟住叫返個燒明太子送酒。鹹鹹香香嘅明太子果然送酒一流。
南瓜沙律，炸雞翼
5 瀏覽
0 讚好
0 留言
另外再叫咗南瓜沙律同埋炸雞翼作為前菜。南瓜沙律很鮮甜，混合咗青瓜絲同火腿粒，特別好食。炸雞翼就正常。
之後嘅炸串都陸陸續續上枱，師傅會根據我哋食嘅進度而將炸串續樣上，唔會令到炸串放得太耐而腍咗👍
炸山藥
6 瀏覽
0 讚好
0 留言
首先上枱嘅係炸山藥，即係鮮淮山，炸漿薄，淮山爽口，為之後嘅炸串揭開序幕。
炸帶子配三文魚子
5 瀏覽
0 讚好
0 留言
再嚟就係炸帶子三文魚子，整體上呢間店嘅炸漿都比我响大阪食嘅薄，唔會令到人好飽。帶子炸得啱啱熟，上面鋪咗三文魚子，作用就係提供鹹味，因為帶子本身完全沒有調味，食到鮮味，但鹹味就要由三文魚子提供，整體上呢個組合都幾得意😎
炸蒜頭，炸血鴨腿肉
4 瀏覽
0 讚好
0 留言
之後就有蒜頭同法國血鴿髀肉。蒜頭應該之前經過蒸煮，完全沒有蒜頭嘅辛辣味，但就就保留咗甜味，幾好食。
血鴿髀肉就係意外嘅驚喜，肉身炸得好嫩，仲充滿肉汁，而肉本身沒有特別嘅調味，反而食到血鴿肉嘅鮮甜，暫時係全晚最喜歡嘅一個item😋
食吓食吓已經要開第二支酒啦。加茂錦荷札酒，侍應介紹呢支酒上面嘅號碼，係代表每次用唔同嘅米種，所以每次來貨都有機會唔同，每次嘅酒都有分別。今晚我哋飲呢支就較第一支偏酸，碳酸味重一啲，配合炸串食又幾夾喎。
炸牛西冷
3 瀏覽
0 讚好
0 留言
跟住試咗炸牛西冷，牛肉本身亦都係完全冇調味，食到濃濃嘅牛肉味，但如果加多少少鹽作調味就一流啦。另外一個窩心位就係師傅將牛西冷成三細粒，食嘅時候唔需要自己用牙將肉扯開，已經可以逐粒逐粒食，非常方便👍
炸半熟玉子
10 瀏覽
0 讚好
0 留言
再嚟就有半熟玉子，我估炸呢個玉子都幾難，因為個蛋本身唔係全熟比較軟身，但都係如果有少少鹽嘅調味就更好啦。
關東煮
4 瀏覽
0 讚好
0 留言
炸嘢食到差唔多，就想試吓店舖另外嘅名物：關東煮，五款任由師傅揀，有薯仔，淮山，蘿蔔，鵪鶉蛋同布袋年糕。薯仔好似同關東煮有啲唔夾，而整個湯就偏甜，但木魚香就欠奉，感覺一般。
最後為求飽肚，加咗個雜錦魚生飯，整體正常，冇特別驚喜。
反而最後飲唔夠，再加多支細Sake，鏡山千秋龍脈，呢支個酸甜度就介乎前兩者之間，碳酸味平衡。飲埋佢就啱啱夠喉🤪
整體餐廳食物水平都唔錯，炸醬唔太厚，唔會食到人好膩。但睇返張單，今晚飲酒錢佔咗三分二，睇嚟都係要繼續努力工作，努力賺錢先至夠飲酒🤦🏻♂️😅
張貼
