悅滿軒

法式烤鴨清湯🦆都比較少見。質地輕盈味道鹹香湯清又唔油膩。配搭嘅風乾鴨胸片質地香脆，經過風乾所以鴨肉味更突出，更香脆可口。法國泥蟹湯🦀相比之下就更加濃郁更加惹味。有好濃嘅海鮮蟹鮮味，而且質地濃稠所以配搭跟餐餐包堪稱絕配而且比起另一款嘅法式烤鴨清湯跟適合，索哂啲味道令原先酥脆嘅麵包更上一層樓🍞泥蟹湯質地比平時西餐飲到嘅忌廉餐湯更更更杰身更綿密，重點係仲食到啲好幼細嘅蟹肉絲。鍾意佢跟餐餐包🍞有加入風乾蕃茄乾，有蕃茄甜味之餘又有啲鹹香嘅味道，算係鹹甜相配🍅麵包外層香脆，麵包體又足夠鬆軟，點湯食一流。