川．粵居 (已結業)

知道爾巒開咗間新酒家，作為元朗人，真係要去試吓，未食之前已經聽過幾個評價好壞參半。有人話佢啲嘢貴又唔好食；但又有其他人話佢啲嘢抵食唔錯！所以前幾日親身去試。老實說，冇乜抱住好大期望。先講服務：間野開11點，我嗰日10點9就到咗，好在門口個姐姐都好熱情咁招呼我入去坐住先。但後來另一個客人就冇咁好彩，咁啱佢入嚟嗰刻冇人招呼佢，佢仲要自己搵位坐低，d職員圍埋一齊傾偈，見佢睇到心情有點不悅，服務呢個部分要改善一下。再講食物：因為食評從朋友口中好壞滲半，所以抱住不妨一試嘅心態去食，點知好驚喜，因為啲嘢唔差，可以話係好食！好有特色又可以打卡！餡料唔同一般嘅酒樓，不過如果想食返一般酒樓平時食到嘅嘢，呢度可能就會少啲，佢冇燒味嗰啲，聽講要提前訂。環境：其實環境非常之乾淨同埋優雅，不過佢嘅位置比較隔涉，同對面天空食街相比，如果唔係一早知道佢開張，真係唔識得搵過去。希望佢哋可以多啲做下宣傳👍🏻👍🏻等多啲街坊知道佢哋存在。