鳳城酒家 (已結業)

佢話呢晚要趕返屋企睇世界杯，所以想簡單的食兩個小炒，但係附近的食肆食得多都好悶，於是我就同佢來咗呢間酒樓，滿足大家的需求。入咗裡面，大堂是四四方方的，十分光猛。而食客都差不多坐滿，職員都好好盡快揾到個唔駛搭枱的二人位俾我哋。老公今次突然唔點可樂，而是點雪碧。蜆蚧鮮牛肉這個菜是以鍋上的，以葱段和薑炒香的，肉片薄薄的，咬落很軟熟，仲索咗不少汁，餸飯真係好開胃。滑蛋鮮蝦仁以中蝦混合蛋，加埋青豆來炒香，蝦的肉質鮮嫩，加埋香滑的炒蛋，而且青豆增加不少咬口。以上兩個小炒加埋兩碗白飯，話咁快就食完，仲趕得切開場。