沃川自家料理

營業中

休息中

走進位於尖東 彷彿將時間定格喺九十年代嘅舊商場南洋中心，有一間屹立左二十年但仍然好有活力嘅居酒屋𓂃沃川𓂃，除左保留同改良咁多年以嚟受歡迎嘅菜式，仲不停研製同推出新嘅菜式，好欣賞佢地對料理嘅追求同盡心滿足客人需要嘅誠意♡✦慢煮牛舌沙律牛舌經過低溫慢煮後保留左牛舌獨有香味，油脂感適中，質感軟腍易入口，牛舌邊沿佈滿粗粒黑胡椒，增添惹味，底下嘅沾醋沙律菜都好新鮮清爽✦時令刺身拼盤是日時令刺身包括𓂅金目鯛、伊佐木、油甘魚、甲烏賊、室津產生蠔、白子、鮟鱇魚肝同牡丹蝦𓎝金目鯛同伊佐木經過炙燒後將魚油香迫出，愛媛縣產嘅甲烏賊好有記憶點，喺師傅嘅刀功手藝之下，砌到好似一朵花咁好靚，味道鮮甜，口感細膩爽彈，室津蠔口感爽身，味帶甘甜，白子同鮟鱇魚肝口感綿密順滑，本身配上酸汁，唔會太膩，牡丹蝦味道濃郁甘甜✦荔枝豚肉串燒食完刺身後開始進入串燒環節，以荔枝豚肉串燒作為第一道串燒係相當適合，荔枝清新果香令到豚肉唔會有油膩感，咸甜得宜✦芫茜墨魚棒呢一道串燒係店家近期新研發，個人認為係必點！芫茜味唔會好霸道，墨魚棒係真材實料滿晒墨魚粒，口感彈牙，呢個配搭同煮法將墨魚嘅鮮味完美展現✦其他串燒包括𓂅雞翼、雞皮、豬肝、蕃茄豚