圓山台灣料理 (已結業)

Lee間菜館每次行到諾士佛臺都會經過，因為就喺上斜路嗰個位，今晚一班好友嚟lee到呢度食個小菜farewell飯。菜館晚餐時間其實都幾多人嚟，我地坐一樓都眼見差唔多滿座。一座低侍應就會開茶俾我哋同上埋上小食-刀拍青瓜。我哋一行幾人其實都食咗唔少嘢，不過因為唔係樣樣都有影到相，所以就講吓影咗嗰幾款。今次我哋有嗌套餐亦有散嗌。蛋黃小卷，當我哋大家以為佢係簡單嘅熟蛋時候，食落先知原來佢蛋白位置係魷魚筒，中間蛋黃位置就係鹹蛋黃加蔥粒，呢款小食口感好特別。川歸蝦湯，呢個湯係用個好似竹筒既器皿裝住，湯入面有大概6-7隻蝦，個湯好有回甘嘅味道，而且材料十足，不過就要可以接受到藥材味同甘味嘅朋友先飲到啦。樟茶鴨味道咸咸哋，鴨肉都算幾嫩滑，仲有蒸包仔可以用嚟夾住食。呢度嘅小菜套餐都好抵食，$388已經有四個餸，下次唔同朋友嚟啦，同下屋企人嚟食下都好。