影片
更多
2013-11-24
6815 瀏覽
呢間已經黎過好幾次，食過午餐，亦都食過晚餐。今次係食晚餐，因為另一半話想食番上次o既八小碟其中一個木瓜絲。試過平日去唔使book位都有位，點知今次去無book位，要坐lift口旁邊，好彩今次唔係想食燒烤。今次叫o左4樣o野﹣牛骨湯，海鮮蔥餅，全州石鍋拌飯，韓式豬手。食物質素：原來唔一定每次都係個8款，所以今次試唔到個木瓜，我另一半有o的失望。我同佢都係認為左上1，左下1，右下1，2都好好食。呢個牛尾湯唔係我地叫，係我地食前菜無耐就黎o左，我地已經覺得好奇怪，再加上我地上次食o既牛骨湯唔係用呢個方式上，係用鍋，即刻問阿豬媽係唔係我地，奈何佢唔識講廣東話，我用英文問，佢又話呢個湯係用呢個碗上，我地唯有飲，個時我地仲以為自己叫錯。呢個湯唔夠我地本身叫o個個好飲，有牛肉，蛋花同蘿蔔，有比較之下，唔建議飲呢個。我地飲o左一碗，就已經無飲。好足料，有勁多蝦，亦都好大個，不過唔知點解覺得個味普通o左o的，同我地上次係元朗食過o既海鮮蔥餅比較，呢個就比較無咁好食。突然出現o係我地面前o既牛骨湯，好感動，因為呢個好飲好多，而且有o的麵條係入面，可以一路飲湯一路食o的麵！本身想影張未攪o既相，點知個wai
今次係食晚餐，因為另一半話想食番上次o既八小碟其中一個木瓜絲。試過平日去唔使book位都有位，點知今次去無book位，要坐lift口旁邊，好彩今次唔係想食燒烤。
今次叫o左4樣o野﹣牛骨湯，海鮮蔥餅，全州石鍋拌飯，韓式豬手。
食物質素：
原來唔一定每次都係個8款，所以今次試唔到個木瓜，我另一半有o的失望。我同佢都係認為左上1，左下1，右下1，2都好好食。
呢個牛尾湯唔係我地叫，係我地食前菜無耐就黎o左，我地已經覺得好奇怪，再加上我地上次食o既牛骨湯唔係用呢個方式上，係用鍋，即刻問阿豬媽係唔係我地，奈何佢唔識講廣東話，我用英文問，佢又話呢個湯係用呢個碗上，我地唯有飲，個時我地仲以為自己叫錯。呢個湯唔夠我地本身叫o個個好飲，有牛肉，蛋花同蘿蔔，有比較之下，唔建議飲呢個。我地飲o左一碗，就已經無飲。
好足料，有勁多蝦，亦都好大個，不過唔知點解覺得個味普通o左o的，同我地上次係元朗食過o既海鮮蔥餅比較，呢個就比較無咁好食。
突然出現o係我地面前o既牛骨湯，好感動，因為呢個好飲好多，而且有o的麵條係入面，可以一路飲湯一路食o的麵！
本身想影張未攪o既相，點知個waitress問完要唔要辣醬就開始攪。宜家好多地方都唔用生蛋，不過佢地有用，所以食落會滑o的，無咁乾，好多蔬菜，而且仲有牛肉，如果想食蔬菜又想食肉，大家可以唔使叫另一款牛肉石頭飯。
本身以為係前菜，因為佢放係menu o既前幾版，但食完先醒起韓國人應該係一路飲一路佐酒o既小食。但大家唔好亂挑戰韓國豬手，因為超多，最少4個人先好叫，我地可能之前飲左1個半o既湯，只係食o左1/4!我覺得個醬唔係好夠味，豬手本身都有少少味。餐廳環境：
坐得舒服，2個人都可以坐4人枱（因為無2人枱），唔需要搭枱，雖然係lift旁邊，有時打開o的人都會望住。
員工態度：
好好，我幾滿意，因為黎咁多次，無一個員工態度係差，今次佢黎錯o左個湯，會同我地講唔好意思，而且叫佢地refill前菜都會即刻拎俾我地。
價錢方面：
都係正常韓國餐廳o既價錢，不過今次我地叫多o左個豬手，感覺就好貴。無o左個豬手，兩個人都係3百幾左右。
張貼
