原の味 (已結業)

星期六的brunch突然好想食日本野但又想係尖沙咀度食喎，俾我諗起上次係尖東行過見到既哩間餐廳即刻打電話去book位先，點知電話無人聽喔，好怕係米爆場無哂位架不過點都好啦，都要過黎望望既😝😝誰不知入到去見到無人既？原來諗諗走哂嚕，因為我地去到既時間都一點半嚕🤫🤫🤫原來哩度好大架，我開頭以為得門口既位置，最後要求座較入面既位置😝😝😝Lunch時段有得嗌set lunch又有得散嗌，最後我地嗌左一個赤身芝士沙律，魚生拼盤，火焰三文魚壽司卷，燒牛扒，野菜鍋首先嚟咗個赤身沙律，赤身係混合左胡椒粒微微燒過，食落口好有質感然後個火焰三文魚壽司卷一上枱就好震撼，侍應會拎把火槍黎點着佢，唔食得都睇得喎急不及待將一件壽司一啖擺落口度，用火槍令三文魚加熱後，啲魚油停留左喺我口腔每一個部份至於個燒牛扒令我相當失望，五成熟，切出嚟嘅牛扒望入去啲肉質都係紅色嘅，我相信都真係有五成熟，但係就真係相當之UN同鞋，每食一件就要吐返出嚟然後個刺身午市套餐係有驚喜嘅，刺身厚切，啖啖肉，相當新鮮！最後個雜菜鍋都好難食，因為係無味嘅，同白烚菜係冇分別嘅，分別在於呢度要$98