星巴克咖啡

營業中

休息中

呢朝早非常之凍，要去香港歷史博物館做啲嘢，做完之後，嗱嗱臨行入去呢間星巴克，因為就喺附近，位置好方便。星期六10點幾，都好容易搵位。我就用電子現金券買咗杯flat white，同埋朱古力鬆餅。但星巴克個系統就低能，唔可以同一張單用兩張$30電子優惠券…個店員又唔係好清楚，佢都極都嘟唔到，大家先知唔可以一次過唔可以用兩張…不過都唔緊要啦，因為真係好凍，好想快啲坐低飲…呢間靠牆都有啲自閉位，不過近門口嗰張，坐坐吓有人行入嚟，又冇閂實對門，搞到啲風入晒嚟，不過是但啦，自己行去閂返…最慘就係遇到啲人傾偈超級無敵大聲…食完之後，行出現就可以見到尖東貓貓豆豆，即刻開心返晒。