好時沙嗲

營業中

休息中

星洲炒蘿蔔糕炒得好香，帶點甜，有落蛋絲同大量嘅蔥去炒，但係蘿蔔糕太淋， 但又未去到一pat pat，賣相就麻麻，但係係好食既。 椰汁咖哩雞佢係屬於傑身少少嘅咖哩， 偏甜唔會太辣 。 分量都唔少，感覺上唔係嗰啲雪藏雞，佢唔係雞扒嚟嘅係有骨嘅雞肉。薄餅本身個雞冇送飯，所以就叫咗兩塊薄餅。個薄餅真係整得非常之好，超級夠熱，夠鬆脆，唔會油！椰汁沙各米 最後叫咗個甜品，見到佢餐牌成座山咁嘅樣，覺得好特別 。其實佢係椰汁西米露，不過佢啲西米就變咗一座布甸山咁，食落佢仲有落一啲蔗糖，所以非常之香，但係偏甜，係可以一試嘅。整體嚟講，佢價錢其實十分親民，尤其是喺尖沙咀呢一個地段。會想試埋佢其他嘅菜式！