影片
更多
2024-04-27
975 瀏覽
尖東好多好食嘅居酒屋，所以定期約朋友去試下，今次就試咗呢間個名好得意嘅餐廳。前菜先叫咗個蒜子蕃茄沙律，醬油鹹鹹地，配上清新嘅蕃茄，再加上小小辣辣嘅蔥花，既清新又開胃。涷豬肝，估唔到原來有咁樣嘅食法，香濃豬味又唔覺得膩。芥末八爪魚伴青瓜，八爪魚夠晒彈牙。豚肉花生苗卷，一入口驚喜到叫咗出嚟，雖然冇加到花生，但係花生苗好香，花生味道濃烈，豬肉又夠肥美。白菌，好juicy，醬汁帶少少甜味。食到咁上下叫咗杯檸檬酒，酸酸甜甜，飲落清爽去油膩。日本青椒仔，上面鋪咗木魚，配合海鹽調味，令味道更加豐富。厚切金星豚肉，真係好肥好邪惡，但係值得用個quota。豚肉燒到焦香，咬落一啖肉一啖肥膏，食到好滿足。韭菜泡菜卷，濃濃嘅泡菜味，令畫風一轉好似食緊韓國菜，食落會有淡淡嘅韮菜味，同外面嘅豚肉配合得好好。豬顎骨，即係面豬登，加咗黑椒調味，肉質韌韌，肥瘦適中。沖繩苦瓜釀免治豬肉，上面鋪滿營養豐富嘅櫻花蝦，苦瓜爽口，唔會太苦。豚肉鵪鶉蛋卷，都加咗櫻花蝦，豚肉夠薄燒完好脆。芝士年糕，入面係香濃嘅流心芝士，年糕煙韌軟腍。魷魚鬚好彈牙，加上甜甜嘅醬汁，好啱送酒。真係食到飽飽喇，叫咗燒菠蘿做飯後果，上面有一層焦糖嘅，好完美
蒜子蕃茄沙律
2 瀏覽
0 讚好
0 留言
前菜先叫咗個蒜子蕃茄沙律，醬油鹹鹹地，配上清新嘅蕃茄，再加上小小辣辣嘅蔥花，既清新又開胃。
涷豬肝
3 瀏覽
0 讚好
0 留言
涷豬肝，估唔到原來有咁樣嘅食法，香濃豬味又唔覺得膩。
芥末八爪魚伴青瓜
6 瀏覽
0 讚好
0 留言
芥末八爪魚伴青瓜，八爪魚夠晒彈牙。
豚肉花生苗卷
5 瀏覽
0 讚好
0 留言
豚肉花生苗卷，一入口驚喜到叫咗出嚟，雖然冇加到花生，但係花生苗好香，花生味道濃烈，豬肉又夠肥美。
白菌
6 瀏覽
0 讚好
0 留言
白菌，好juicy，醬汁帶少少甜味。
檸檬酒
5 瀏覽
0 讚好
0 留言
食到咁上下叫咗杯檸檬酒，酸酸甜甜，飲落清爽去油膩。
日本青椒仔，上面鋪咗木魚，配合海鹽調味，令味道更加豐富。
厚切金星豚肉
1 瀏覽
0 讚好
0 留言
厚切金星豚肉，真係好肥好邪惡，但係值得用個quota。豚肉燒到焦香，咬落一啖肉一啖肥膏，食到好滿足。
韭菜泡菜卷，濃濃嘅泡菜味，令畫風一轉好似食緊韓國菜，食落會有淡淡嘅韮菜味，同外面嘅豚肉配合得好好。
豬顎骨，即係面豬登，加咗黑椒調味，肉質韌韌，肥瘦適中。
沖繩苦瓜釀免治豬肉，上面鋪滿營養豐富嘅櫻花蝦，苦瓜爽口，唔會太苦。
豚肉鵪鶉蛋卷，都加咗櫻花蝦，豚肉夠薄燒完好脆。
芝士年糕，入面係香濃嘅流心芝士，年糕煙韌軟腍。
魷魚鬚好彈牙，加上甜甜嘅醬汁，好啱送酒。
真係食到飽飽喇，叫咗燒菠蘿做飯後果，上面有一層焦糖嘅，好完美嘅收結。
張貼
