Iberians (已結業)

好耐冇行尖東，今日過嚟行吓仲食到一間好好食嘅西班牙餐廳。叫個沙律食先，西班牙馬鈴薯沙律嘅沙律菜非常新鮮，加入少量鹽同沙律油，薯仔溶一齊食，咸中帶有清新，唔錯！西班牙可樂餅，餡料有少少雜豆，即製炸得香脆熱辣，好正！仲有呢個前菜，不能少左佢，Parma ham配蜜瓜同檻欖，火腿肉質柔軟、甘甜帶點芳香，真係不可不吃。西班牙章魚墨汁燉飯，好正宗夠咸夠墨魚香，飯身清爽外層濕潤，鍋上熱辣辣，係近期稱得上好味嘅墨魚汁飯。香草三文魚珍珠麵，煙韌珍珠麵配上大小差不多嘅青豆、紅蘿蔔粒、煙肉碎，而煎得香脆三文魚嘅魚油亦滲透每粒麵粒，加添左味道層次又健康。呢度環境氣氛同埋餐具都好別緻，服務亦唔錯，最衰今日揸車，如果飲sangria會同呢餐飯更夾，最後只order左Mojito無酒精版。