影片
更多
2010-05-05
39 瀏覽
半年未見老友，一個call話出來聚一聚當然即時應允，地點在尖咀﹗咁耐唔搵我都知有o的野，原來今次約我是要通知來年年頭同女友拉埋天窗。相識咁多年，聽到當然開心，而我就要當然十萬個樂意要當個伴郎，睇o黎又係時候來個終極減肥keep番o下先出得鏡喇﹗晚飯來了Nara Thai，次次來親都係Happy Hour，皆因9:00pm前生啤全部買一送一十分抵飲，待應態度亦親切有禮，一來便會再來﹗今次來吃飯，睇睇餐牌，價錢不便宜，不過既然難得一聚又開心無咩所謂﹗先點番杯Hoegaarden，由於九點幾過左Happy Hour關係，連待應姐姐都笑我點解唔早十分鐘來，睇黎來得太多已經俾職員們點左相﹗泰式生蝦刺身要$88，價錢貴啊﹗蝦大約有八隻左右，雖不大隻，卻新鮮彈牙，質感綿而爽口，眼看四周絕大部份既食客都係點呢個生蝦，就知有其吸引力，蘸少少辣汁同吃，很惹味﹗蝦頭生炸了放在刺身中間，面頭曬上海鹽，味道濃郁，夠哂香口，送啤酒是一絕。接著是泰式青木瓜沙律，$45，味道酸中有辣，木瓜絲很脆口，內有蝦米仔同埋露荀粒提鮮及增加口感，老友雖然大叫好辣不過都係忍不住繼續吃下去﹗最後的飯是欖菜肉碎炒飯，$65，飯份量不少
咁耐唔搵我都知有o的野，原來今次約我是要通知來年年頭同女友拉埋天窗。相識咁多年，聽到當然開心，而我就要當然十萬個樂意要當個伴郎，睇o黎又係時候來個終極減肥keep番o下先出得鏡喇﹗
晚飯來了Nara Thai，次次來親都係Happy Hour，皆因9:00pm前生啤全部買一送一十分抵飲，待應態度亦親切有禮，一來便會再來﹗
今次來吃飯，睇睇餐牌，價錢不便宜，不過既然難得一聚又開心無咩所謂﹗
先點番杯Hoegaarden，由於九點幾過左Happy Hour關係，連待應姐姐都笑我點解唔早十分鐘來，睇黎來得太多已經俾職員們點左相﹗
泰式生蝦刺身要$88，價錢貴啊﹗蝦大約有八隻左右，雖不大隻，卻新鮮彈牙，質感綿而爽口，眼看四周絕大部份既食客都係點呢個生蝦，就知有其吸引力，蘸少少辣汁同吃，很惹味﹗
蝦頭生炸了放在刺身中間，面頭曬上海鹽，味道濃郁，夠哂香口，送啤酒是一絕。
接著是泰式青木瓜沙律，$45，味道酸中有辣，木瓜絲很脆口，內有蝦米仔同埋露荀粒提鮮及增加口感，老友雖然大叫好辣不過都係忍不住繼續吃下去﹗
最後的飯是欖菜肉碎炒飯，$65，飯份量不少，炒得還算乾身，味道以肉碎為重，由於都幾肚餓關係，我地兩個唔洗十分鐘已清哂，岩岩好﹗
半年沒見一見就當然口水滔滔不絕，這夜相當精采，最後整多杯健力士作結，完美滿意。
埋單一人二百有找，食物價錢偏貴不過味道不錯，來這兒想吃泰菜的話又多個選擇了。
張貼
