Gusto - Taste Italian (已結業)

尖沙咀開始有啲聖誕裝飾，去行吓順便食個飯。Gusto就喺尖東地鐵站旁邊，位置好方便，食物選擇豐富，行完街醫肚就啱晒！一開始先食啲薯條飲下啤酒～ chill下啦～ 餐廳會提供烘熱咗嘅麵包。主菜我哋食咗原隻波士頓龍蝦意大利飯，龍蝦新鮮好味，意大利飯吸收左龍蝦嘅鮮味，飯粒口感唔錯，推介啊！雜錦海鮮pizza好足料，pizza餅底又薄又香，小朋友好鍾意食。安格斯肉眼扒大大份，啖啖肉，好味；伴碟嘅沙律菜同埋薯仔都好食。最後食埋原隻燒春雞，外面香脆，雞肉鮮嫩多汁，如果濃味少少就更加好食。呢度啲甜品都好似好吸引，下次試吓！