影片
更多
2024-11-17
560 瀏覽
今日Family Day，上網見到呢間尖東食韓燒，環境幾好🫧，所以想去試一試。一入到去就覺得個空間好大，亦都好整潔，無油煙味，感覺上好企理👍。叫完餐之後好出奇地佢超級多嘅前菜😱，食前菜都應該食飽🤣，仲可以無限添加，特別推介佢地鵪鶉蛋蛋真係好好食🐣，添加左兩次😝，不過冇影到相。特選調味牛肋骨肉🐮真係必食，睇餐牌以為細細塊，點知勁大塊，正宗係「圖文不符」😂。調味出色😊，店員燒得岩岩好，牛肋骨都係要食肉味，以為會有少少靭，點知完全無，可能因為醃過，所以都好淋，但要留意會有D筋(我老公就好鍾意食筋，畀哂佢食！🤪）真係必食🤩。濟州黑毛豬頸肉🐷食韓國菜，有韓國食材就一定點。呢隻豬頸肉油份充足，爽口彈牙，點佢哋個大醬汁好夾🫙。店員好用心咁樣煎香晒兩邊變晒金黃色🥳，先夾上嚟，賣相同味道都一流😍。呢度始終係主打燒肉，但另外見到午餐都幾抵食，所以就叫咗兩個試試。水冷麵＋烤牛肉🍜平時好少食到，呢度既水冷麵酸酸冰凍，好開胃，麵質煙靭，好食！大醬豆腐湯+烤豬肉飯🍛辣度我覺得幾適合，飲埋個豆腐湯都仲得，亦都唔算好咸，唔錯。呢兩個午餐幾有質素，而且份量夠，抵食。整體來說，呢間韓燒韓國人主理🇰🇷，味道好正宗。前菜好多
叫完餐之後好出奇地佢超級多嘅前菜😱，食前菜都應該食飽🤣，仲可以無限添加，特別推介佢地鵪鶉蛋蛋真係好好食🐣，添加左兩次😝，不過冇影到相。
特選調味牛肋骨肉🐮
真係必食，睇餐牌以為細細塊，點知勁大塊，正宗係「圖文不符」😂。調味出色😊，店員燒得岩岩好，牛肋骨都係要食肉味，以為會有少少靭，點知完全無，可能因為醃過，所以都好淋，但要留意會有D筋(我老公就好鍾意食筋，畀哂佢食！🤪）真係必食🤩。
濟州黑毛豬頸肉🐷
食韓國菜，有韓國食材就一定點。呢隻豬頸肉油份充足，爽口彈牙，點佢哋個大醬汁好夾🫙。店員好用心咁樣煎香晒兩邊變晒金黃色🥳，先夾上嚟，賣相同味道都一流😍。
呢度始終係主打燒肉，但另外見到午餐都幾抵食，所以就叫咗兩個試試。
水冷麵＋烤牛肉🍜
平時好少食到，呢度既水冷麵酸酸冰凍，好開胃，麵質煙靭，好食！
大醬豆腐湯+烤豬肉飯🍛
辣度我覺得幾適合，飲埋個豆腐湯都仲得，亦都唔算好咸，唔錯。
呢兩個午餐幾有質素，而且份量夠，抵食。
整體來說，呢間韓燒韓國人主理🇰🇷，味道好正宗。前菜好多，主食亦都係有質素，最重點真係想讚下D員工好用心咁幫大家烤肉👏👏👏，每舊都烤得好好，好有耐性。呢度服務真係一流，而且環境企理，推介畀大家!
地址：尖沙咀堪富利士道8號格蘭中心1樓
@GalbiTown
@galbitown.hk
@chillchill_aloye
#尖沙咀美食
#韓燒
#韓牛
#豬頸肉
張貼
