Awesome Bar & Cafe

營業中

休息中

今日嚟咗尖東做野所以收工就諗住直接係呢頭解決 見呢間餐廳嘅樓梯兩側放滿咗好多唔同款嘅Bearbrick figure 打卡一流!南瓜蟹肉意大利粉意粉比想像中大碟 面頭鋪滿咗濃濃嘅南瓜蓉仲混合咗一絲絲嘅蟹肉 令到每條麵條都掛滿料之餘食落味道啱啱好又唔會太鹹 而且個南瓜係可以食 口感好綿密烤加拿大豬鞍配蜜糖芥末汁呢個豬鞍好有驚喜 厚肉得嚟肉質係完全唔鞋 本身就咁食已經好夠味 但點埋蜜糖芥末汁個味道就再昇華咗 伴碟嘅仲有西蘭花 蕃茄 甘筍 粟米筍同薯蓉 薯蓉好creamy 食落帶點忌廉味芒果拿破崙芒果新鮮又香甜 再配上抹茶cream同酥脆嘅外皮 食完好滿足士多啤梨荔枝梳打造型精緻 口感好清爽凍草莓抹茶鮮奶 微苦嘅抹茶再撈埋士多啤梨醬 味道好夾