尚苑京滬川菜 (已改名) 查看

星期日瞓到下晝先起身😆之後準備去尖沙咀做facial，喺附近食個late lunch先，見到南洋中心「尚苑京滬川菜」下午茶點心做緊八折優惠，仲免加一，佢哋嘅下午茶時間去到4:30pm，可以慢慢嘆😊點心套餐B 桂花海皇炒新竹米粉超足料，用象拔蚌仔、帶子、鮮蝦、芽菜、洋蔥、韭黃去炒新竹米粉，味道似星洲炒米辣辣地夠惹味，呢度嘅豪華版海鮮炒米非常高質，米粉乾身彈牙，夠晒鑊氣，加入咗大量海鮮提升鮮味，推介👍🏻燻香樟茶鴨店家招牌菜樟茶鴨，果然係真材實料，半隻嘅份量亦有一大碟，足夠三四人分享，入口充滿煙燻茶香味齒頰留香，鴨肉肉質緊致有咬口，皮薄之餘仲帶點脆口，夠晒入味萵筍蝦餃王粒粒肥大飽滿嘅蝦餃上加上金箔，每粒入面都有4,5隻新鮮爽口嘅蝦仁，皮薄餡靚原隻蝦燒賣皇每粒燒賣上面都有大大隻嘅蝦仁，鮮美彈牙，以豬肉、冬菇、鮮蝦作為餡料，口感豐富白灼菜心追加：蘿蔔絲酥餅即叫即製，金黃色嘅外皮酥脆鬆化，裏面嘅蘿蔔絲軟稔多汁，一啖咬落去爆汁，味道清甜帶咸香，非常出色好食的點心鮮肉鍋貼鍋貼底部煎得金黃香口脆卜卜，豬肉餡料鮮嫩多汁，外皮厚度適中，入口啖啖肉而且有豐富嘅肉香味📍尚苑京滬川菜 (尖沙咀)尖沙咀麼地道75號