牛爸

營業中

休息中

係尖沙咀行到好攰，諗住快手食個飯就翻屋企，行行下發現musea foodcourt啲餐廳好似全部轉晒，見到呢間食鐵板牛就決定試下。Menu有6款鐵板肉，2款煮嘅牛肉。我地兩個一心食鐵板牛，就叫咗1份鐵板肉眼，蒜蓉汁配薯條 ; 另一個鐵板雜扒，黑椒汁配薯條。鐵板肉眼 肉眼扒上到鐵板都幾吸引算大塊，叫咗5成熟，肉質有小小韌，但近筋位嘅肉就好啲腍啲。蒜蓉汁好濃，仲有啲細細粒嘅蒜增強個味。鐵板雜扒講真個雜扒係有小小失望，首先以為份量會好大，啲扒會齊豬雞牛，點知啲扒細塊過塊肉眼，而且只係得豬、牛、一隻雞全翼同一條腸仔。豬扒肉質還好，但塊牛應該係平價貨同埋用粉那得好勁，雞翼同腸仔都好食嘅。以係尖東貴價商場嘅foodcourt，呢個價錢算接受到，但食翻鐵板牛扒(肉眼/西冷/牛柳/T骨)比較安全，如果好餓配飯或意粉都夠飽。第二樣係佢餐冇包飲品，另加汽水要$20。