星海．譽宴 (The ONE)

營業中

休息中

同太太都好耐沒有食過中菜，近期鍾意去尖沙咀the one上面有些中菜廳都不錯。之後選了星海的酒樓，環境場地設計高雅，選了在這裡做婚宴都唔錯，又可以望到維港景，但上到去有一半位置做了婚宴，但都有十張枱左右可做晚市的，每張枱之間又夠闊落，不會同人迫到太近。見餐牌有幾樣粵菜推介，又有孖寶選擇。【招牌白胡椒蟹】一來到鐵板上，再淋上白胡椒汁，陣陣白胡椒香味，香氣撲鼻而來。採用肉質彈牙、蟹鮮味特濃的肉蟹來炮製，每口都啖啖肉，再配埋白胡椒味道，真令人垂涎三尺，食指大動。【蝦頭油二蝦粉絲煲】食材豐盛，有肥美爽口彈牙大蝦，內裡仲有微微炸過的咸香大蝦乾，整體又夠乾身，加了蝦頭油令粉絲更加風味，鑊氣又夠，邪惡到食不停口。【砂窩鮑魚雞粒飯】個砂窩飯都好大個，足夠三至四個人份量，飯底不算好油而且好有鑊氣，食每一啖飯都食到鮑魚粒和雞粒，真係真材實料。飯後仲有甜品送，紅豆起沙又很棉棉滑滑，甜度剛剛好，不算太甜。