滿江紅 (已結業)

嗜辣嘅朋友又有好介紹, 今次嚟試四川麻辣口水雞。招牌口水雞 (半隻) $148滿滿紅油, 加上香炸指天椒碎、花生碎、芝麻、葱蒜等配料, 未食已經流晒口水, 難怪呢度菜就叫做口水雞。嫩滑雞肉沾滿配料, 味道辣中帶點酸, 麻勁十足。點口水雞更附送涼拌萵筍片, 爽口清涼, 食完麻辣食佢就啱晒。雞湯抄手$32滑一滑嘅雲吞皮又薄又柔軟, 配上鮮甜雞湯, 清一清剛才嘅辣味。蜜瓜汁$48甜味自然, 清新解辣。提提你, 呢度茶芥$16/位 (附送小食), 我地叫野飲, 唔要茶就唔需要計啦。