上海婆婆336 (iSQUARE國際廣場)

營業中

休息中

今日睇完戲去左搵野食，見到呢間上海婆婆336都有唔少人，就決定入去食嘢啦。睇左下餐牌，我哋叫左啲點心，前菜，主菜同拉麵。點心我哋叫左上海小籠包（4隻），迷你炸饅頭（4隻）同流心椰汁小煎堆（3粒）。呢幾樣都好快上枱，熱辣辣咁，小籠包好爆汁，皮薄餡靚，點個汁食好好食。炸饅頭有四粒，雖然就話迷你，但點埋煉奶都一樣咁好食。最後個小煎堆好出色，食落爆餡，唔會太甜，但椰汁味好香。我哋叫左個前菜雞絲拌粉皮，都係一貫嘅味道，凍得嚟又好好食。主菜我哋叫左蝦籽豆腐面筋煲，上到枱出晒煙，豆腐同面筋吸晒啲汁，食落好香口，一件接一件。最後仲有碗酸辣湯拉麵，酸酸辣辣咁好開胃，麵嘅份量都唔少，食得好滿足。