上海婆婆336 (iSQUARE國際廣場)

營業中

休息中

今日心思思想食上海菜，之前食過呢間上海婆婆336 ，覺得佢啲食物質素都好好，而且性價比超級高，今晚又嚟食，果然冇有錯🥰蝦籽鍋塔豆腐係最近新推出嘅菜品，果然有驚喜，豆腐外皮香脆，而且果一層蝦子醬，非常之濃味 🥰豆腐軟滑，豆味好濃，勁鍾意☺️另外嗌咗個酸菜魚二人套餐，鎮江肴肉口感，而且鹹鹹香香，幾好食🤤上海小籠包有四件，熱辣辣，外皮細薄，而且非常Juicy，勁鍾意啲肉汁係口入邊爆出嚟嘅感覺😚上海酸辣湯非常之醒胃，酸酸甜甜，而且好足料，非常之滋味☺️ 336酸菜魚都唔好出色，魚肉滑身，而且仲有啲萵筍、酸菜等等嘅配菜都好豐富，配埋啲薯粉，非常之掛湯，食到舔😍另外加錢叫咗個干貝蛋白炒飯，炒飯粒粒分明，而且干貝嘅鹹香加埋軟滑嘅蛋白，好好食，份量都啱啱好🥳甜品酒釀丸子更加係出色，丸子丹拿，而且酒釀甜香，簡直係亮點之一😎餐廳環境闊落，而且員工非常之有效率，上菜速度都唔錯，食到我好開心，下次一定會帶屋企人過嚟試吓😆#尖沙咀美食 #香港美食 #香港必食 #香港探店 #香港打卡 #香港旅遊 #香港必喝 #尖沙咀探店 #香港中餐 #香港好去處 #尖沙咀推薦食品

同屋企人黎左TST既上海婆婆336開餐~~6點入座時唔多人, 但之後都差唔多滿座, 都幾旺場呀!!餐廳環境好大, 樓底同空間感幾闊落, 多人都唔會好嘈, 聚會一流~食物方面超多選擇!! 仲比之前多左好多新菜式添四小拼: 小竹筍, 肴肉, 烤麩, 小排骨 $128小竹筍清脆爽口, 味道清新, 略帶甘甜肴肉表面光滑, 口感嫩滑, 味道浓郁, 帶有咸香烤麩充滿麥香, 吸收晒汁既味道, 鬆軟可口小排骨鮮嫩多汁, 口感豐富~黃金涼瓜 $78一上碟就見到好靚既金黃翠綠色~~涼瓜口感脆嫩, 清爽爽口~外表充滿蛋黃, 蛋黃既香濃同涼瓜既清甜完美結合丫蝦籽豆腐面筋煲 $80湯汁味道濃郁, 豆腐滑嫩, 面筋煙靭吸收晒汁既精華~~蝦籽好鮮味, 整體味道豐富韮黃炒鱔糊 $122份量算多, 鱔糊非常新鮮, 又粗又厚, 口感結實韮黃帶有清香味, 調味適中

中秋節同家人飯聚，冇揀傳統嘅酒樓，反而去咗呢度食中菜，貪佢依度價錢親民，出品唔錯。336上海小籠包 $46皮薄餡靚，充滿湯汁，夾起唔會穿，食嘅時候加埋薑絲同埋醋好好味。松子雞米叉子 $98松子雞米好惹味香口，熱辣辣，用叉子裝滿雞米好好食。飄香鳳梨雞 $98雞肉大大件，而且好嫩滑，配上香甜滿果香嘅鳳梨，味道好夾，清新。糟炒滑魚片 $98魚片好滑好滑，完全冇骨，呢個餸清淡啲，但係又唔會冇味，健康得嚟味道唔錯。蝦籽豆腐面筋煲 $80呢個餸味道香濃，煮得好入味，蝦籽好香，豆腐滑滑，面筋入哂味，仲有啲爽滑冬菇。上海粗炒 $88粗炒好香，醬汁剛剛好，每條粗炒都入晒味，加上配料有好多蔬菜、肉絲、冬菇絲，好好味。婆婆炒菜飯 $88爽爽脆脆嘅蔬菜配上煙靭煙靭嘅米飯，粒粒分明，再加上少少金華火腿調味，清得嚟又幾香。南瓜餅 $42最後呢個甜品有啲似豆沙鍋餅，不過個皮轉左係南瓜味煙韌糯米粉，唔太甜幾好食。

好記得對上一次食《上海婆婆336》是任食放題的時候，自從這款推廣停左之後，也有一段時間冇過來。難得黎到isquare, 又想食上海嘢小籠包喔，就想起上海婆婆！坐低先叫定小籠包，再慢慢選小菜主食。 餐廳上菜也挺快，轉眼就上了小籠包，隻隻大粒飽滿，肉汁香濃，夾起小籠包時，可以看到湯汁在小籠包底部滾動～ 韭黃炒鳝糊好夠穫氣的菜式！鳝糊肉質新鲜爽脆，配以韭黄清香，濃濃醬汁好惹味，送飯一流～椒麻大千雞（麻辣）雖說麻辣，實質不是挺辣的～ 大概是調到適合香港人的辣度。雞肉是先炸後再炒，非常香口惹味，也大概這煮法正正鎖住肉汁，雞肉非常嫩滑！蘭州牛肉麵麵條爽滑又有韌勁，雖選了不用剪但還是有輕輕剪過的面條，配上鮮美的湯汁和紅油辣子，薄切的牛肉片、鮮甜的蘿蔔，再喝一口湯，不錯不錯相隔咁年多來食，水準維持一貫的發揮～

上海婆婆餐廳位於九龍尖沙咀彌敦道63號isquare國際廣場6樓,餐廳裝修簡約以橙色為主調,環境空間闊落,環境舒適,餐廳主打上海菜,餐廳設有多款套餐供應,服務員招呼有禮。336上海小籠包（四隻）配有黑醋和薑絲,上海小籠包包身飽滿多汁,皮薄餡靚,餡內豬肉鮮甜,入口爆汁。京蔥手切牛肉包（三隻）大大隻的生煎包,餡內京蔥手切牛肉入口鮮甜嫩滑多汁,包身中間微脆外軟,入口軟綿。蝦籽鍋塔豆腐餐廳最新推出嘅菜式,豆腐上面有一層蝦子醬,廚師烹調製作蝦籽鍋塔豆腐炸到金黃色,豆腐食落外邊微脆內裏嫩滑帶有香濃豆味。鱔糊拌麵鱔糊拌麵配料有韭黃和醬汁,跟餐有一碗上湯,鱔糊份量都不少,食前撈勻鱔糊和拌麵,太乾可加點上湯,鱔糊食落鮮甜,每條拌麵沾滿鱔糊醬汁非常美味可口。酸辣湯雲吞（五隻）酸辣湯再加大大的雲吞,雲吞餡內肉質嫩滑鮮甜多汁,酸辣湯微酸微辣,材料豐富。

上海菜之《上海婆婆336》呢間上海婆婆336，之前已經食過一次，今日再翻兜，因為覺得食物有質素，餐廳環境大，台與台之間距離遠，同朋友傾計都唔會太噪，6點半入座時唔多人，不過之後都高朋滿座，野生椒魚皮：魚皮非常爽口，而且椒辣味十足，好惹味。紅油抄手(6隻)：川菜馳名既小吃，味道麻麻香香，唔算十分辣，餡料十足。上海小龍包(4隻)：皮非常薄，口感細膩，湯汁充足，入口後滿口都係高湯，味道不錯。蟹粉賽螃蟹多士：秋天呢個季節唔少得蟹粉既菜式，蟹粉賽螃蟹面上蟹粉超級多，蛋白粒粒大小平均，加上鮮味蟹糕蟹肉，放上香脆既多士上面，口感及味道一流。孜然牛肉：牛肉軟嫩有口感，洋蔥炒得入味，孜然香氣十分濃。炒鱔糊拌麵：份量都大碟，鱔糊好新鮮，每條都又粗又厚, 口感結實，配料蔥段有清香味，麵條每條都沾上獎汁，十分好味。總結，餐廳出餐快，食野有質素。

Isquare呢間上海婆婆都開咗好耐，餐廳空間都幾大，環境唔錯，好多上海菜選擇，系一家大細食飯嘅好選擇。飄香鳳梨雞新菜式，味道好有驚喜，雞肉大塊嫩滑，啖啖肉，以鳳梨增添甜味。黄金涼瓜清脆可口，咸蛋黃惹味好邪惡，同口感清爽嘅涼瓜中和，涼瓜回甘爽口。上海炒年糕可以要求少鹽少油，口感唔會油膩，年糕彈牙，份量滿足，搭配蔬菜、冬菇，令口感層次豐富，而且可以令口感清爽，系我鐘意嘅上海風味。排骨擔擔麵都可以選擇唔辣，麵條滑順，排骨肉質鮮嫩，湯底香濃。

青青紅紅滾面筋面筋仍然圓滾滾，軟綿綿，很吸湯汁，湯底很健康有益，有雲耳，蕃茄，絲瓜，熱騰騰，很暖胃。椒麻大千雞雞柳大件，近脾位，很滑溜，味道很岩香港人，唔係爆辣，有辣椒，胡椒，不同的彩椒，食起黎，味道香辣過癮鎮江肴肉晶瑩透亮，肉色鮮紅，微咸，蘸上浙江醋，更顯風味。干燒蝦酥盒就如甜酸排骨的做法，甜酸醬炸蝦仁，酸酸甜甜，酥盒香脆，要留意醬汁會溢出，滋味無窮。酸辣湯酸辣得很過癮，味道偏辣微酸，熱騰騰很暖胃。高力豆沙脹卜卜又圓滾滾，外層灑上糖霜，內餡是香甜的豆沙，很滿足。

同媽媽食佢至愛上海菜☺️入到去6點半都好多人，旅客同本地人都有，一家大細都有😂都幾滿場咼！店員人數好足夠，有咩事都好快有人黎幫手🫶🏻干貝賽螃蟹 $98媽媽至愛！係好多蛋白炒毛豆磨菇，落啲醋好醒胃，味道好特別👍🏼係油咗啲，但醋可以中和個肥膩感☺️👍🏼336小籠包 $46食上海菜必食❤️入面勁多湯😍好好食呀！！夾起無難度，唔會黐住哂漏湯👍🏼鎮江肴肉 $78里度性價比高，媽媽話外面好貴，里度平，所以要叫下試下😂入面好多Collagen，啫哩肉，一層層咁！！女士食多啲好，有好豐富天然骨膠原😙排骨擔擔麵 $78排骨份量非常之多！炸過，所以好香好好食😍擔擔面湯底好濃郁，杰撻撻嘅花生醬🤭重口味人士之選呀！！我哋最後都食唔哂，太大碗喇😂高力豆沙 $58全晚Highlight!!就算食到幾飽都要食，啱啱新鮮炸好，熱辣辣！入面仲有紅豆，口感軟棉棉☺️好特別👍🏼我哋一人食咗2個😂🙈

尖沙咀🚇呢間上海婆婆336位置感覺幾開揚🤩，坐位間隔適中，唔會覺得擠迫，而且👍水準穩定，CP值十分之高，👏值得一再幫襯。蝦籽豆腐面筋煲🍲味道好濃郁，豆腐滑溜溜🤤，面筋香軟煙韌，加埋大量🦐蝦籽嘅香味，入口鮮美🥰非常滋味。🦀蟹粉撈麵真係超正！蟹粉味好濃郁😍，麵條香軟有麵粉香，🍝每一啖都係滿滿嘅蟹鮮🦀香味，真係一試難忘。松子魚🐟炸得好香脆，魚肉好嫩滑味道😋酸酸甜甜好開胃，松子仁同魚肉嘅搭配👍層次豐富，十分之滿足！

{🍽️ 香港搵食 🍽️｝ 上海婆婆336突然好想食上海菜，記得之前都食過呢間都幾好食，價錢都幾抵，地點又方便，咁就再去食多次啦😎 今次黎到仲多啲d新菜式，而且味道都唔錯 🤓野生椒魚皮呢個超好食🤤 魚皮勁爽口，夠曬辣飄香鳳梨雞雞件好嫩滑，都幾大件，配埋酸酸甜甜既菠蘿 🍍 味道幾fresh，岩曬我呢個鍾意食菠蘿既人韭黃炒鱔糊鱔片切成細細條，食落啖啖肉，同新鮮既韭黃一齊炒，配埋獨特既醬汁，真係超好食👍🏻👍🏻 呢個菜係我每次都一定要叫既😂😂😂 椰菜回鍋肉呢款岩曬重口味既人士 👍🏻 辣講，用惹味既豆瓣醬炒回鍋肉，椰菜比較爽口，送飯一流📍尖沙咀彌敦道63號isquare國際廣場6樓

👉🏻336上海小籠包 $46/4隻皮薄餡靚！湯汁多到爆！一啖咬落去，個湯汁香到癲！啲肉餡仲要無渣無柴，真係冇得輸！👉🏻雞絲拌粉皮 $78粉皮爽滑有嚼勁，雞絲嫩滑惹味，配料豐富到癲！👉🏻黃金炒飯 $88粒粒分明，咸蛋香四溢！啲飯粒夠乾身，連飯都炒到有鑊氣！👉🏻孜然牛肉 $98香口彈牙！孜然香氣十足！牛肉嫩滑多汁👉🏻芝麻糊芋圓 $28香濃芝麻糊配上QQ芋圓 GOOD茶位$12 2位抵食！食唔曬仲打包了

今日去到尖沙咀站，已感到餓了，便在地鐵站上蓋的商塲找可吃的。看到這餐館，想到自己已有一斷日子沒吃上海菜，於是就進去了。蝦籽豆腐麵筋煲（$80）這款新菜式好特別，以麵筋為主角。麵筋烹調後，仍保持圓球狀，賣相吸引。而且醬汁帶有少許甜味，配搭得十分好。紅燒獅子頭（$95）這是我們食肉獸的至愛。大大的肉丸，肉質鮮嫩多汁，伴隨着濃郁的醬汁，美味可口。上海粗炒（$88）這道經典的菜餚，即叫即製。粗粗的麵條經過炒製仍保持良好的嚼勁。加入瘦肉絲、椰菜、多種調味，令這道菜味道更加豐富。婆婆炒菜飯（$88）這個炒飯清清地，加入有蔬菜粒和松子，很健康。而且炒飯米粒分明，比較乾身，不太油膩。分量也不少。

最近去咗尖沙咀商場裏面一間專食上海菜嘅專門店。餐廳環境半開放，感覺輕鬆寫意。**上海小籠包**：小籠包皮薄餡多，咬開一口，濃郁嘅肉汁即刻湧出，餡料鮮美，口感嫩滑。**蟹粉賽螃蟹多士**：多士表面鋪滿咗蟹粉，酥脆嘅吐司配上濃郁嘅蟹肉味，咸香四溢，非常滋味。**飄香鳳梨雞**：雞肉外皮酥脆，內裏肉質嫩滑，配上酸甜嘅鳳梨，味道層次豐富，令人食指大動。**北京炸醬麵**：炸醬麵麵條彈牙，炸醬嘅味道濃郁，配料豐富，每一口都係濃郁嘅大豆香氣

今天的美味焦點來自這道獨特的飄風香鳳梨雞,每一口都融合了鮮嫩雞肉和甜美的鳳梨，香氣四溢🍽️💖 鳳梨的清甜和雞肉的鮮香交織在一起呀。🥢 參參陣酸菜魚，搭配香噴噴的菜飯，微微的小辣讓味蕾瞬間被喚醒！加配鎮江肴肉，肉質鮮嫩，搭配紅棗茶，好完美的午餐組合！✨ 午市麵餐也不容錯過！酸辣湯的香氣撲鼻而來，來碗熱乎乎的配上三隻小籠包，真是幸福的滋味！紅糖彬杷的甜蜜，凍鮮豆漿的清爽，讓人一口接一口，停不下來！❤️