港晶軒

營業中

休息中

五一長假期前成九點幾先收工，冇乜地方去，老婆話口淡淡想食下海鮮。咁啱聽同事介紹尖沙咀港晶中心港晶軒出咗啲幾抵食嘅海鮮套餐，最啱兩三個人。去到睇咗menu咁梗係點鮑魚、星班仔加埋桶蠔嗰個套餐啦，$600蚊唔使兩、三個人食啱啱好。首先講下豉汁蒸鮑魚，落咗啲幾香口嘅果皮喺面，加埋隻鮑魚夠新鮮，入口真係好彈牙。到咗昇班仔雖然唔係好大條我諗都有一斤過外，都係嗰句條語新鮮，冇得輸。最後個套餐有桶蠔我哋點咗豉油王炒，口感都係唔錯嘅，值得推介。另外再點咗片皮鴨二食，估唔到燒鴨係有心機以現切既方法上菜，真係誠意十足。再做咗肉碎加生菜包，最後送埋甜品，兩三個人真係滿足曬。最後特別要提一提，雖然比較夜至上座，但由經理、侍應去到上菜嘅服務態度，都絕對值得嘉許。今時今日咁嘅服務態度，就一定有回頭客啦。