大樹燒烤 (已結業)

喺尖沙咀發現有間串燒專門店，門口都聞到好香！入到去急不及待嗌咗一打串燒，啲串燒本身已經食得，擺上木盒上面就可以keep 住暖暖地慢慢食～食物種類都算多～先試新疆羊肉同肥牛，雖然啲燒烤粉好惹味，但都食到好香嘅羊肉味！仲有原來燒肥牛係幾好食架！唔夠味仲可以自行再加孜然粉同辣粉。唔少得燒雞翼～當中仲有比較特別嘅渣男五花肉，口感好厚身，幾juicy!連台式香腸都有～好有風味！相比起肉更加鍾意燒菜～例牌一定要食燒茄子，好多蒜味，逐條茄子肉撕出黎食好入味！燒金菇係成幅咁樣燒，好味！仲有韮菜，秋葵，翠肉瓜，娃娃菜，土豆片，會愈食愈上癮，不過個粉都幾辣，唔食得辣嘅可以走辣～