影片
更多
2022-10-23
1005 瀏覽
兵仔食過會再encore的川菜店非十二味莫屬，成日同娘娘或同一大班兵仔一齊去食。呢間仲要係全港各區都好多分店，如果大家心血來潮又想食下川菜，可以試吓佢。💕💂🏼《人見人愛酸菜魚》$228呢份酸菜魚嘅份量好多，當日兵仔同娘娘五個人一齊食見到佢咁大盆上枱都嚇親😂佢嘅份量超級多，除咗魚片之外仲有好多配菜，例如酸菜萵筍等等。湯底嗌咗小辣，平時食唔到辣嘅朋友仔都可以食到👍🏻湯底好濃郁而且唔會太鹹，鮮魚片亦都好厚身嫩滑，cp值超高。評分: 88/100💂🏼♀️《霸王辣子雞》$148食川菜兵仔最鍾意就係嗌辣子雞，細細粒好有咬口攞嚟送飯就一流🤤呢碟辣子雞份量超多，每粒炸到好香脆，配埋辣椒炒香，麻香帶辣，令到你上癮不停食😂😂評分: 85/100💂🏼♀️《川香回鍋肉》$98 回鍋肉唔係間間都炒得好食，十二味呢度用五花腩片炒，仲有好多辣椒同埋韭菜做配菜，炒到充滿油香😳一放入口啲肉汁同麻辣嘅香味即刻刺激味蕾，呢個小菜大推。評分: 82/100💂🏼♀️《水煮牛肉》$148嗌得酸菜魚，一定會嗌埋水煮牛肉，都係揀咗小辣，因為紅油關係會比酸菜魚較辣。啲鮮牛嫩而唔韌，娘娘拎黎送飯仲食唔停口😎唔好睇佢好似好油咁，但一啲都唔
💂🏼《人見人愛酸菜魚》$228
呢份酸菜魚嘅份量好多，當日兵仔同娘娘五個人一齊食見到佢咁大盆上枱都嚇親😂佢嘅份量超級多，除咗魚片之外仲有好多配菜，例如酸菜萵筍等等。湯底嗌咗小辣，平時食唔到辣嘅朋友仔都可以食到👍🏻湯底好濃郁而且唔會太鹹，鮮魚片亦都好厚身嫩滑，cp值超高。
評分: 88/100
💂🏼♀️《霸王辣子雞》$148
食川菜兵仔最鍾意就係嗌辣子雞，細細粒好有咬口攞嚟送飯就一流🤤呢碟辣子雞份量超多，每粒炸到好香脆，配埋辣椒炒香，麻香帶辣，令到你上癮不停食😂😂
評分: 85/100
💂🏼♀️《川香回鍋肉》$98
回鍋肉唔係間間都炒得好食，十二味呢度用五花腩片炒，仲有好多辣椒同埋韭菜做配菜，炒到充滿油香😳一放入口啲肉汁同麻辣嘅香味即刻刺激味蕾，呢個小菜大推。
評分: 82/100
💂🏼♀️《水煮牛肉》$148
嗌得酸菜魚，一定會嗌埋水煮牛肉，都係揀咗小辣，因為紅油關係會比酸菜魚較辣。啲鮮牛嫩而唔韌，娘娘拎黎送飯仲食唔停口😎唔好睇佢好似好油咁，但一啲都唔油膩，入面嘅粉條仲吸晒啲味，正！
評分: 80/100
💂🏼《經典香辣鍋 》$38 (每款配料加$28-$48）
干鍋揀咗小辣加埋其他配菜一齊炒！配菜嗌咗午餐肉、萵筍、五花腩片、牛柏葉同寬粉😍一上枱已經好香好吸引，嗌干鍋嘅好處就係可以嗌晒自己鍾意食嘅配菜再配埋麻辣十分之惹味！午餐肉炸到外脆內軟，其他配菜同麻辣都好夾，加埋個寬粉來食真係非常之啱啱好。
評分: 88/100
💂🏼《紅糖糍粑》$48
梗係要嗌個甜品嚟埋尾啦，呢個紅糖糍粑喺必選，煙煙韌韌的口感，外脆內軟，一咬好似食緊暖暖的糯米糍，表面灑上很多黃豆粉，點黑糖來吃實在無得彈，每人可以食到2-3條。
評分: 85/100
總結：
呢間嘅環境十分之大，同朋友聚會呢間係一個好嘅選擇。而且佢每樣食物都十分出色，價錢亦都相宜👍🏻如果大家想食川菜，可以嚟呢間試一試！
頒發軍階：元帥🎖🎖🎖🎖🎖
張貼
