齋啡 (已結業)

朋友介紹下放假專程嚟試下，餐廳有兩個舖位，設計走木系文青風，仲有好大個鞦韆比人打卡🥰假日有唔少人都帶埋寵物嚟cafe坐，比人感覺靜中帶旺。餐廳提供既都係無蛋奶純素食品，諗好食咩就過隔離個鋪位落單，等個牌響就可以取餐。植物牛肉、蕃茄及火箭菜薄餅薄餅上面鋪左火煎葉，植物肉粒，搭配蕃茄醬，味道同平時既薄餅無異，但無左平時果種過鹹同油膩感，最正既係餅底好鬆脆🤤，真係好好食。All Day Breakfast平時唔多鐘意食all day breakfast 既加工肉，既肥膩而且唔健康，所以呢個素食全日早餐真係好啱我。除左沙律菜，有大大粒藍莓、車厘茄、橙、香蕉，牛油果等水果，牛油果上加左黑白芝麻，食落更香。大啡菇亦同樣出色，大件得嚟非常juicy。連鷹嘴豆醬同酸種麵包都係自家製作，完全感受到呢個all day breakfast 幾有心思。紅絲絨蛋糕本身以為係海綿蛋糕既口感，誰不知食落口感似brownie，質感比較厚實，亦唔太甜。抹茶紅豆蛋糕純素既cream食落好軟滑，抹茶既味道好突出，配埋紅豆真係好夾。Kale, Banana, Flaxseed Smoothie有淡淡既香蕉味，證明係真材實料，