影片
更多
2022-09-07
40 瀏覽
講起金巴利街大家多數會聯想起韓國街，成條街都係韓國菜同小食既食店為主，最近比我發現呢間晴空日本料理，佢地夜晚既Omakase性價比超高，除左Omakase之外，佢地既A la carte menu都好多選擇，今晚一於試哂兩款先Omakase Course ($1180)🔶前菜2點🔶前菜係溫室番茄配梅酒啫喱同鮑魚配肝醬，梅酒啫喱晶瑩剔透，梅酒味濃郁好似真係飲緊梅酒咁，配埋酸酸甜甜既溫室番茄夠開胃，鮑魚做前菜夠哂矜貴，配上自家製既鮑魚肝醬，口感豐富💯🔶刺身6點🔶🐟真鯛魚薄切配酸汁真鯛魚係白身魚既一種，肉質鮮美，魚味較淡但口感彈牙，配上酸汁、蘿蔔蓉同香蔥一齊食，別有一番風味赤貝、帆立貝貝類刺身有我最愛既赤貝同帆立貝，赤貝鮮甜彈牙，帆立貝厚肉，上面加上少許竹炭鹽調味，唔洗加豉油都能品嘗到食材原有既鮮味🦀毛蟹，配蟹湯蛋白餐廳訂左北海道新鮮食材，毛蟹係其中之一，師傅新鮮拆起蟹肉同蟹膏，底層配埋蟹湯蛋白，蟹香味非常濃郁，食嗰陣撈埋一齊食，鮮味十足🐟深海池魚深海池魚厚切，炙燒過後迫出魚油，肉質細嫩爽口，正😄🐟鯖魚煙燻過微微焦香，隱約聞到煙燻過既香味，肉質鮮嫩肥美，脂厚油香🐟大拖羅炙燒過既大拖羅加埋少少
講起金巴利街大家多數會聯想起韓國街，成條街都係韓國菜同小食既食店為主，最近比我發現呢間晴空日本料理，佢地夜晚既Omakase性價比超高，除左Omakase之外，佢地既A la carte menu都好多選擇，今晚一於試哂兩款先
Omakase Course ($1180)
🔶前菜2點🔶
前菜係溫室番茄配梅酒啫喱同鮑魚配肝醬，梅酒啫喱晶瑩剔透，梅酒味濃郁好似真係飲緊梅酒咁，配埋酸酸甜甜既溫室番茄夠開胃，鮑魚做前菜夠哂矜貴，配上自家製既鮑魚肝醬，口感豐富💯
🔶刺身6點🔶
🐟真鯛魚薄切配酸汁
真鯛魚係白身魚既一種，肉質鮮美，魚味較淡但口感彈牙，配上酸汁、蘿蔔蓉同香蔥一齊食，別有一番風味
赤貝、帆立貝
貝類刺身有我最愛既赤貝同帆立貝，赤貝鮮甜彈牙，帆立貝厚肉，上面加上少許竹炭鹽調味，唔洗加豉油都能品嘗到食材原有既鮮味
🦀毛蟹，配蟹湯蛋白
餐廳訂左北海道新鮮食材，毛蟹係其中之一，師傅新鮮拆起蟹肉同蟹膏，底層配埋蟹湯蛋白，蟹香味非常濃郁，食嗰陣撈埋一齊食，鮮味十足
🐟深海池魚
深海池魚厚切，炙燒過後迫出魚油，肉質細嫩爽口，正😄
🐟鯖魚
煙燻過微微焦香，隱約聞到煙燻過既香味，肉質鮮嫩肥美，脂厚油香
🐟大拖羅
炙燒過既大拖羅加埋少少wasabi，用紫菜包住一齊食，入口即溶🥰😋
🔶和食🔶
今日既和食係赤麵豉煮和牛，和牛本身油脂較高，配埋鹹香十足既赤味噌一齊煮，非常入味，和牛口感軟嫩好juicy😍
🔶壽司6貫🔶
🐟金目鯛
金目鯛壽司肉質爽嫩，豐腴既魚油滲透落壽司飯當中，好好食😋
大溝貝
第一次食大溝貝，肉質鮮甜帶彈性，爽口而有嚼勁，口感一流
🐡北海道喜知次
喜知次被譽為北海道魚王，肉質細嫩，炙燒過後魚油甘香
🦐牡丹蝦
牡丹蝦肉質綿軟中帶彈性，夠哂鮮甜，上面加左少少魚子醬，鮮味十足
🐟大拖羅
大拖羅油份較高，做到入口即溶既效果👍🏻
海膽
壓軸出場既係海膽壽司，海膽份量好多，味道甘甜，質感細膩，高質
手卷
用拖羅蓉做成既手卷，肉質軟綿，配上脆口既紫菜，口感豐富
🥣吸物
食完手卷之後，店員就送上大蜆清湯，湯底清甜，蜆肉大隻唔會有沙，飲完個湯暖笠笠，正😍
🍰甜品
套餐包左兩款甜品: 日本蜜瓜同南瓜蛋糕，日本蜜瓜鮮甜多汁，南瓜蛋糕甜度適中，散發出淡淡既南瓜香味
食左咁豐富既Omakase朋友話唔多夠喉，揀左幾款單點食品
明太子
明太子係鱈魚魚籽醃製而成既，鹹中帶辣好惹味，師傅將原條明太子切成一片片放上青瓜片上面，食嗰陣蘸上醬汁就可以，鹹香十足都幾開胃👍🏻
脆炸原條鮟鱇魚 ($168)
新鮮炸起脆卜卜，魚肉鮮嫩，細骨唔多，蘸上獨有醬汁，鮮味十足
招福•六貫炙燒壽司拼盤 ($250)
試過omakase既壽司好高質，朋友話要試埋佢地既炙燒壽司拼盤，呢個招福set有三文魚、大拖羅、鰻魚、左口魚邊、銀鱈魚、帆立貝，當中要讚佢地既銀雪魚做得好好，魚肉爽口結實，爽口鮮甜，推介🥰🥰
張貼
